Владимир Путин Уһук Илини сайыннарыы стратегиятын оҥорорго сорудахтаата

Дойду Бэрэсидьиэнэ Владимир Путин Илиҥҥи экэнэмиичэскэй пуорум түмүгүнэн кэккэ сорудахтары бигэргэттэ. РФ Бырабыыталыстыбата 2026 сыл атырдьах ыйыгар диэри Уһук Илин федеральнай уокуругун уон сылга сайыннарыы стратегиятын оҥорон бигэргэтиэхтээх.

Ил Дархан быйылгы сыл ахсынньы 1 күнүгэр диэри сэдэх сир металларын хостооһуну уонна оҥорон таһаарыыны уһун болдьоххо сайыннарыы суол каартатын бигэргэтэргэ сорудахтаата. 2030 сылга диэри Уһук Илин федеральнай уокуругар уонна Арктика сиригэр орто уорбаан субъектарын, бырамыысыланнай, технопаркалары уонна бизнес-пааркалары тэрийиэххэ наада.

Уһук Илин уонна Арктика ипотекатын бырагырааматын 2024 сыл тохсунньу 1 күнүн кэннэ үһүс уонна онтон элбэх оҕолоох ыалларга кэҥэтэргэ сорудахтаатылар; Уһук Илин федеральнай уокуругун уонна Арктика сиригэр судаарыстыбаннай эбэтэр муниципальнай үөрэх тэрилтэлэрин үлэһиттэригэр; элбэх кыбартыыралаах дьиэлэр тутуллубат куораттарыгар иккис эбийиэктэри.

Владимир Путин дойду бырабыыталыстыбатыгар Уһук Илин федеральнай уокуругун уонна РФ Арктическай зонатыгар баар муниципальнай тэриллиилэргэ куорат тупсаҕай эйгэтин тэрийии бастыҥ бырайыактарын Бүтүн Арассыыйатааҕы күрэһин чэрчитинэн социальнай, култуурунай, кэммиэрчэскэй уонна да атын функциялары холбуур элбэх функциялаах модульнай эбийиэктэри тэрийии бырайыактарын олоххо киллэрии туһунан боппуруоһу көрөргө сорудахтаата.