Хаартыска: Андрей Сорокин, СИА.
От ыйыгар ипотечнай бырагыраамалар хаттаан көрүллэр кэмнэригэр, РФ Үбүн министиэристибэтигэр Уһук Илиҥҥи уонна арктическай ипотека 2 %-наах ыстаапкатын сыыйа улаатыннаран иһэр наадатын туһунан кэпсэтиилэр барбыттара.
Ол эрээри билигин бу боппуруоска туочука турда – ВЭФ-2024 пленарнай сиэссийэтигэр дойду бэрэсидьиэнэ Владимир Путин Уһук Илиҥҥи уонна арктическай ипотека 2 %-наах ыстаапкатын 2030 сыл бүтүөр диэри уһатарга сорудахтаата, диэн иһитиннэрэр @rgrunews.
“Кэлиҥҥи биэс сылга Уһук Илиҥҥэ сыллата тутуллар дьиэ кэриҥэ икки төгүл улаатта – бу бэртээхэй көрдөрүү. Быйылгы сыл түмүгүнэн 5 мөл. 600 тыһ. кв. м. киирэрэ күүтүллэр. Манна сүрүн оруолу “Уһук Илиҥҥи ипотека” оонньоото диэххэ сөп. Биһиги бу ипотекаҕа байыаннай дьайыы кыттыылаахтарын киллэрбиппит. Ону таһынан 36 саастарын туола илик эдэр ыаллар, “Уһук Илиҥҥи гектары” ылааччылар, оборуоннай-бырамыысыланнай комплекс тэрилтэлэрин үлэһиттэрэ, учууталлар, миэдиктэр киирсэллэр. Маннык усулуобуйа арктикатааҕы ипотекаҕа эмиэ тарҕанар, биһиги бу бырагыраамалары 2030 сылга диэри уһаппыппыт. Оттон усулуобуйатыгар сыһыаннаан Бырабыыталыстыбаҕа кэпсэтиилэр буолбуттарын билэбин. Манна туочуканы туруорарга этии киллэрэбин: Уһук Илиҥҥи уонна арктическай ипотека 2 %-наах ыстаапкатын оннунан хаалларарга”, — диэн тоһоҕолоон эттэ судаарыстыба Бэрэсидьиэнэ.
Өрөспүүбүлүкэтээҕи "Илии сылааһа" (сал. Саввина И.Е.) иистэнэр сыах үлэһиттэрэ филиалларынан командировкаҕа сырыттылар. [gallery ids="272357,272358,272359,272360"] Нам,…
Олунньу 9 күнэ. Айсен Николаев Арассыыйа Дьоруойа, «Эр санаа» икки уордьанын кавалера, «Хорсунун иһин» мэтээл…
"Оһуокай тыына — нэһилиэккэ кэскил" диэн Тулагы-Киллэмҥэ саҥа сүүрээн саҕаланна. Тулагы-Киллэм нэһилиэгэр олунньу ураты суолталанна.…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Уус Алдан улууһун баһылыга Василий Алексеев Байаҕантай нэһилиэгэр сырытта. Манна баһаартан эмсэҕэлээбит "Кэнчээри" оҕо уһуйаанын…
Дойду үөрэҕин министиэристибэтэ “Арассыыйаҕа духуобунай сиэр-майгы култуурата” оскуола үөрэҕин бырагырааматын киллэрии кыраапыгын чопчулаата. Биридимиэт түһүмэхтэринэн…