Хаартыска: dzen.ru
Чэппиэргэ, от ыйын 3 күнүгэр, Арассыыйа уонна АХШ бэрэсидьиэннэрэ Владимир Путин уонна Дональд Трамп биир чаас устата төлөпүөнүнэн кэпсэттилэр – бу сыл саҕаланыаҕыттан алтыс кэпсэтиилэрэ буолар.
Лиидэрдэр Украинаны дьүүллэһэр кэмнэригэр Путин Арассыыйа туруоруммут сыалыттан-соругуттан туораабат диэтэ. Ону кытта Аан Илини, икки өрүттээх бииргэ үлэлээһини кэпсэттилэр, диэн суруйар “Российская газета”.
Владимир Путин АХШ бэрэсидьиэнин Тутулуга суох буолуу күнүнэн эҕэрдэлээбит. Итиэннэ Арассыыйа биисинэс-уопсастыбатын бэрэстэбиитэллэрэ традиционнай сыаннастарга олоҕурбут киинэлэри атастаһыы наадатын эппиттэрин тиэртэ. АХШ бэрэсидьиэнэ бу идиэйэни тута сэргии түстэ, сөбүлээбитин биллэрдэ, диэтэ көмөлөһөөччү.
Олус кичэйэн судаарыстыба баһылыктара Иран уонна Аан Илин тула үөскээбит балаһыанньаны дьүүллэстилэр. “Арассыыйа өттүттэн бары мөккүөрдээх боппуруостары, иирсээннээх балаһыанньаны бэлитиичэскэй-дипломатическай дьайыынан эрэ сүрүннүүр наадалааҕа тоһоҕолоон этилиннэ”, — диэтэ Ушаков. Лиидэрдэр бу боппуруоһунан тас дьыалаларга биэдэмистибэлэр, оборуона министиэристибэлэрин, бэрэсидьиэннэр көмөлөһөөччүлэрин нөҥүө сибээспитин тута сылдьыахпыт дэстилэр. Сирияны да таарыйан аастылар, бу хайысханан эмиэ кэпсэтиилэр салҕаныахтара диэн буолла.
“Биллэн турар, Украина иирсээнин дьүүллэстилэр”, — диэтэ Ушаков. Трамп хаттаан байыаннай дьайыыны төһө кыалларынан түргэнник тохтотуохха наада диэн туруоруста. Путин, Арассыыйа иирсээни бэлитиичэскэй кэпсэтиинэн быһааран кэбиһиини көрдүүрүн эттэ уонна Стамбуллааҕы кэпсэтиилэр түмүктэринэн ылыллыбыт гуманитарнай дуогабар хайдах бара турарын иһитиннэрдэ. Арассыыйа өттүттэн кэпсэтиинин салгыырга бэлэмин биллэрдэ. “Арассыыйа иирсээн төрүөттэрин төрдүттэн суох оҥорор сыалын син биир ситиһэргэ дьулуһар”, — диэтэ Ушаков.
Икки лиидэр хардарыта туһалаах кэскиллээх бырайыактарга, чуолаан энэргиэтикэҕэ уонна куйаары чинчийиигэ, интэриэстээхтэрин биллэрдилэр.
“Бэрэсидьиэннэр кэпсэтиилэрэ аһаҕастык, дьыалабыайдык барда. Көрсүһүү туһунан кэпсэтии барбата эрээри, наада буоллаҕына быһаччы дуогабардаһан ситиһиэхпит”, — диэтэ Кириэмил бэрэстэбиитэлэ.
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…