Хаартыска: эпииртэн - скрин.
Арассыыйа Бэрэсидьиэнэ Владимир Путин видеосибээһинэн Саха сиринээҕи онкологическай киин аһыллыытыгар кытынна. Бэрэсидьиэни кытта сибээскэ онкологическай киин сүрүн бырааһа Татьяна Николаева уонна СӨ Ил Дархана Айсен Николаев таҕыстылар. Эпиир «Россия24» ханаалга быһа эпииргэ ыытылынна.
РФ Бэрэсидьиэнэ Ил Дархан Айсен Николаевы бырайыагы өйөөбүтүгэр махтанна уонна олохтоохтор доруобуйаларын харыстааһын сүрүн соругунан буоларын бэлиэтээн эттэ:
Онкология өрөспүүбүлүкэтээҕи киинэ тутулларын Cаха сирин олохтоохторо ыра санаа оҥостубуттара ыраатта. Бүгүн Саха сиринээҕи онкология киинин тэҥэ Томскай уобалаһыгар онкологическай диспансер, Башкирия өрөспүүбүлүкэтигэр Оҕо онкологиятын уонна гематологиятын киинэ аһылыннылар. Дойду бэрэсидьиэнэ саҥа аһыллыбыт кииннэр дириэктэрдэрин уонна эрэгийиэннэр баһылыктарын санааларын иһиттэ. Кинилэр хас биирдиилэрэ маннык кииннэр нэһилиэнньэҕэ олус туһалаахтарын бэлиэтээтилэр.
Өрөспүүбүлүкэ салалтата федеральнай таһымҥа күүскэ туруорсан, дойду салалтата Саха сиригэр болҕомтотун ууран Онкология өрөспүүбүлүкэтээҕи киинэ тутуллан үлэҕэ киирдэ. Бэлиэтээн эттэххэ, Онкология киинэ РФ Бэрэсидьиэнэ Владимир Путин 2019 сыллаахха көҕүлээбит «Доруобуйа харыстабыла» национальнай бырайыагынан тутулунна.
«Бүгүн Саха сиригэр уонна манна баар эрэгийиэннэргэ сүрүн историческай күнүнэн буолла. Биһиги ис сүрэхпититтэн Онкология киинэ тутулларыгар бары түһүмэххэ улахан өйөбүлүҥ иһин эйиэхэ, Владимир Владимирович, махтанабыт. Бу сыллар усталарыгар эн көмөҕүнэн барыта 9 млрд. солк. үбүлээһин оҥоһуллубута, онтон 7 млрд. 600 мөл. солк. федеральнай үбүлээһин буолар. Бүгүн биһиэхэ үрдүк технологиялаах Онкология киинэ аһылынна, онон аны өрөспүүбүлүкэ олохтоохторо ыраата барбакка, саамай бастыҥ, суһал көмөнү ылыахтара. Владимир Владимирович, эн өйөбүлгүнэн кэнники сылларга өрөспүүбүлүкэбит мэдиссиинэтэ ыраахха диэри инники хардыыны оҥордо. Бастаан Перинатальнай, Кардиология кииннэрэ, оттон бүгүн Онкология киинэ үлэҕэ киирэн Саха сирин олохтоохторугар улахан кыаҕы биэрдэ. Биһиги бу бииргэ үлэлээһиммит үчүгэй түмүктээх буолуоҕар эрэнэбин», — диэтэ Ил Дархан Айсен Николаев.
«Саҥа кииммит 26 тыһыынча кв.м тахса иэннээх, 210 куойкаҕа радиология отделениелаах уонна хаһаайыстыбаннай блоктаах. Онкология килииникэтин киинигэр хирургия хайысхалаах 4 отделение аһыллыаҕа, манна мэдиссиинэ үрдүк технологиялаах көмөтүн киллэрэн туран, сылга 4 тыһыынчаҕа тиийэ эпэрээссийэни оҥоруу былааннанар. Видеоэндоскопическай суһал орооһуулар 4К уонна 3D визуализациянан оҥоһуллуохтара, бу аныгы хирургияҕа көмүс стандартынан ааҕыллар. Владимир Владимирович, биһиги Саха сирин олохтоохторо барҕа махталбытын тиэрдэбит уонна биһиги быраастарбыт күүстэрин-кыахтарын дьону эмтээһиҥҥэ ууруохтара диэн эрэллээхпин», — диэтэ Онкология өрөспүүбүлүкэтээҕи киинин сүрүн бырааһа Татьяна Николаева.
Өрөспүүбүлүкэтээҕи Онкология киинэ үрдүк технологиялаах көмөнү оҥорор мэдиссиинэ тэриллэринэн толору сэбилэннэ, онон, кутталлаах искэннэри чопчу уонна эрдэ булар кыах баар буолла.
Күүтүүлээх киин туһунан сиһилии ааҕыҥ.
Бүгүн, ахсынньы 22 күнүгэр, биллиилээх бэлиитик уонна уопсастыбаннай диэйэтэл Виктор Губарев олохтон туораабытын туһунан Ил…
Күн Чубуку бэлиэтигэр киириитэ үпкэ-харчыга сыһыаны уларытар. Ыһыы-тоҕуу кэмэ ааһан, барытын чопчу былаанныыр, кэмчилиир уонна…
Бүгүн, ахсынньы 22 күнүгэр, Саха сирин сорох улуустарыгар -48 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…