РФ бэрэсидьиэнин пресс-сулууспата
Владимир Путин 2012 сыллаахха хаттаан бэрэсидьиэнинэн талыллан баран, ыам ыйынааҕы ыйаахтар диэн улахан докумуону таһаарбыта. Бу ыйаахтарга олоҕуран кини салгыы Анал этиилэрин оҥортообута.
2012 сыллаахха Владимир Путин хаттаан бэрэсидьиэнинэн талыллыбыта. Ити сыл Ыам ыйынааҕы Ыйаахтара диэн ааттаммыт хас да докумуоҥҥа илии баттаабыта. Ол курдук, экэниэмикэ боппуруостарыгар, социальнай эйгэҕэ, доруобуйа харыстабылыгар, демографияҕа, тыа хаһаайыстыбатыгар, үөрэххэ, билимҥэ, олорор дьиэлэри тутууга, хомунаалынай хаһаайыстыбаҕа, байыаннай эйгэҕэ, дойдуну көмүскээһиҥҥэ, судаарыстыбаны салайыыга барыта уон биир ыйааҕы таһаарбыта.
Бу ыйаахтарга олоҕуран, кини дойду кэлэр уон сыллаах былаанын торумнаабыта. Онно кини ордук нэһилиэнньэ туруктаах, дохуоттаах буолуутугар, нэһилиэнньэлээх пууннар, социальнай эбийиэктэр сайдыыларыгар сүрүн болҕомтотун хатаабыта.
2014 сыллаахха саас Арассыыйа састаабыгар Крым Өрөспүүбүлүкэтэ уонна Севастополь куорат туспа эрэгийиэннэр быһыытынан киирбиттэрэ. Онон Арассыыйа 85 эрэгийиэннэммитэ. Бэрэсидьиэн ити сыллаах Анал этиитигэр тас дойдулары кытары сыһыаҥҥа бэйэтин сыанабылын биэрбитэ уонна дойду экэниэмикэтин тупсарыыга санааларын эппитэ. Ыам ыйын ыйаахтара бу саҥа эрэгийиэннэргэ эмиэ тарҕаныахтарын туһунан иһитиннэрбитэ.
Оттон 2015 сыллаахха иһитиннэрбит Анал этиитигэр Владимир Путин терроризмы утары охсуһууга улахан этиилэри оҥорбута. 2016 уонна 2018 сыллардаахха Бэрэсидьиэн дойду ис экэниэмикэтин сайыннарыыга, исписэлиистэри бэлэмнээһиҥҥэ, дьон дохуоттаах буолуутугар, олохтоох оҥорон таһаарыыны үрдэтэргэ сыал-сорук туруорбута. 2018 сыллаахха бэрэсидьиэн быыбара буолан, Владимир Путин үһүс болдьоҕор талыллыбыта. Бу Анал этиитигэр кини 2012 сыллааҕы ыам ыйынааҕы ыйаахтарын салҕаан, демография, социальнай эйгэ боппуруостарыгар, суол-иис, тырааныспар сайдыытыгар, о.д.а. боппуруостарга бэйэтин этиилэрин оҥорбута. Биир сүрүн этиитинэн Ийэ хапытаалын уһатыы буолбута.
2019 сыллаах Анал этиитигэр Владимир Путин тас дойдулары кытары сыһыаны таһынан, Арассыыйа ис бэлиитикэтигэр болҕомтотун хатаабыта. Элбэх оҕолоох ыалларга көмө, олохтоох исписэлиистэри иитэн таһаарыы, олохтоох оҥорон таһаарыыны элбэтии, о.д.а. боппуруостар көрүллүбүттэр.
2020-2021 сылларга аан дойду үрдүнэн дьаҥ-дьаһах тарҕанан доруобуйа харыстабыла, нэһилиэнньэ туруктаах буолуута, олохтоох бизнеһы өйөөһүн бастакы миэстэҕэ тахсыбыттар. Ону таһынан Арассыыйа Төрүт Сокуонугар уларытыылары киллэриигэ хас да пууну ыйбыта баар. Ону сэргэ оҕолоох ыалга көмө, олоруу уонна хамнас алын кээмэйдэрин үрдэтии курдук социальнай эйгэ боппуруостара көтөҕүллүбүттэр.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…