Хаартыска: sakha.gov.ru
Дойду Бэрэсидьиэнэ Владимир Путин быйыл баттаабыт от ыйын 31 күнүнээҕи 301-РП №-дээх дьаһалынан, ыччакка патриотическай иитиигэ уонна көхтөөх уопсастыбаннай үлэтигэр кылаатын иһин Спартак Колесовка Арассыыйа Федерациятын Бэрэсидьиэнин Махтала биллэрилиннэ.
Саха сирин олохтооҕо бэтэрээннэр «Боевое братство» Бүтүн Арассыыйатааҕы уопсастыбаннай тэрилтэтин Саха сиринээҕи салаатын чилиэнэ буолар. Спартак Колесов үлэтин уонна уопсастыбаннай дьарыгын сүрүн төрүөтэ Дьокуускайдааҕы технологическай кэллиэскэ үлэлиир кэмигэр мунньуллубут сыаната биллибэт уопутугар олоҕурар.
«Боевое братство» уопсастыбаннай тэрилтэҕэ үлэтин бастакы күннэриттэн Спартак Колесов Нерюнгри оройуонун үүнэр көлүөнэтин байыаннай-патриотическай иитиигэ интэриэһин көрдөрбүтэ. Кини тэрийэр дьоҕурун, эдэр дьону итэҕэтэр уонна умсугутар сатабылын учуоттаан, тэрилтэ салайааччылара 2018 сыллаахха Спартак Колесовка Беркакит бөһүөлэккэ «Юнармия» байыаннай-патриотическай кулуубун тэрийэргэ, оттон 2019 сыллаахха — «Беркут» байыаннай-патриотическай кулууп олохтоох ыччат уопсастыбаннай тэрилтэтин арыйарга уонна салайарга этии киллэрбиттэрэ.
Спартак Колесов — байыаннай дьайыы кыттыылаахтарыгар гуманитарнай көмөнү хомуйар «ZOV Севера» волонтерскай уопсастыбаннай тэрилтэ көхтөөх кыттыылааҕа. Кини салайыытынан юнармеецтар үтүө көмөһүттэргэ окопа чумэчитин оҥорорго, бүрүөһүн сиэккэни өрөргө, өлбүт буойуттар аллеяларыгар мас олордорго көмөлөһөллөр. Спартак Колесов 200-тэн тахса юнармеец сынньалаҥын нэдиэлэ аайы тэрийэр. Нерюнгри оройуонугар юнармеецтар ахсааннара 2021 сыллаахха 80 киһиттэн 2023 сылга 350 киһиэхэ диэри элбээтэ.
Бэҕэһээ, атырдьах ыйын 1 күнүгэр, Абый улууһугар ууга былдьаммыт иккис киһи өлүгэ көһүннэ диэн СӨ…
Бу күн куйаар энергията чаҕылхай Хахай бэлиэтигэр киирэр, ол иһин барыбытыгар күүс-уох, бэйэни көрдөрүүгэ баҕа,…
Бүгүн – Ылдьыын күнэ. Бу күн эһэлэрбит, эбэлэрбит хортуоппуйдарын амсайаллара, хостонуор диэри өссө төһө улаатыан…
Бүгүн, атырдьах ыйын 2 күнүгэр, Саха сирин сорох улуустарыгар этиҥнээх ардах түһэрэ, тыалырара, итиэннэ +28…
От ыйын 31 күнүгэр сарсыарда 8 чаас саҕана «Нам» айан суол 10-с биэрэстэтигэр массыыналар харсыһыыларынан…
Аллайыахаҕа хайдах күн-дьыл буолбутун туһунан Чокуурдаах олохтооҕо Иван Иванов маннык суруйда: -- Биһиэхэ сайыммыт бүттэ.…