Владимир Путин “Земскэй тириэньэр” бырагырааматын киллэрэргэ сорудахтаата

Дойдубут аҕа баһылыга Владимир Путин Успуорт сайдыытын сэбиэтин мунньаҕын түмүгүнэн 2025 сылтан “Земскэй тириэньэр” федеральнай бырагырааманы киллэрэргэ сорудахтаата.

Бу бырагыраама анал үөрэхтээх тириэньэрдэр, инструктордар, учууталлар тыа сиригэр, кыра куораттарга тахсан үлэлииллэрин көҕүлүүр сыаллаах тэрилиннэ. Туһааннаах докумуон бэрэсидьиэн тус саайтыгар таҕыста.

Санатан суруйдахха, Физкултуура уонна спорт сайдыытын сэбиэтин мунньаҕа алтынньы 17 күнүгэр ыытыллыбыта. Бу мунньах түмүгүнэн, Владимир Путин бырабыыталыстыбаҕа хас да пууннаах сорудахтары биэрбитэ. Ол иһигэр тыа сиригэр успуорду көҕүлээһин.

Бырабыыталыстыба эрэгийиэннэри кытары 2025 сылтан саҕалаан “Земскэй тириэньэр” федеральнай бырагырааманы киллэрэн барыахтара.