«Владимир Путинныын сыл түмүктэрэ»: 1,2 мөлүйүөнтэн тахса ыйытыы киирдэ

«Владимир Путинныын сыл түмүктэрэ» бырагыраамаҕа ыйытыылар тохтообокко киирэллэр. Билиҥҥи туругунан, уопсайа 1,2 мөлүйүөнтэн тахса ыйытыы регистрацияламмыт.

«Первый канал» хампаанньаҕа иһитиннэрбиттэринэн, дьон үксэ төлөпүөнүнэн эрийэн сибээстэһэр. Ону таһынан, СМС-нан, ММС-нан, мобильнай сыһыарыынан уонна Москва-путину.рф саайт нөҥүө, ону тэҥэ Арассыыйа социальнай ситимнэрин уонна Max мессенджери туһанан ыйытыылары ыытыахха сөп.

Ыйытыылары «Владимир Путинныын сыл түмүктэрэ» бырагыраама бүтүөр диэри ылыахтара. Быһа эпииргэ этиллибэтэх ыйытыылары эмиэ киллэрэн, барытын ырытыахтара. Информацияны оҥоһуу өй хомуйан оҥорор. Үгэс быһыытынан, биир да кыһалҕа болҕомтото суох хаалыа суоҕа диэн тэрийээччилэр эрэннэрэллэр.

Ахсынньы 4 күнүттэн араас көрүҥнээх ыйытыылар Норуот фронун ыстаабыгар баар колл-кииҥҥэ киирэллэр. Ыйытыылар үгүстэрэ социальнай бэлиитикэҕэ сыһыаннаахтар: биэнсийэ, дьиэ кэргэн уонна оҕо боппуруостара, чэпчэтиилэр, инбэлииттэргэ көмө, субсидия уонна страховка.

Санатан эттэххэ, «Владимир Путинныын сыл түмүктэрэ» бырагыраама ахсынньы 19 күнүгэр күнүс 12:00 чаастан саҕаланар. Бэрэсидьиэн сыл түмүгүн таһаарыа уонна гражданнар ыйытыыларыгар хоруйдуо. Кинилэр ортолоругар суруналыыстар эмиэ баар буолуохтара.