Владимир Путин соҕуруу куораттарга аэропортар аһыллыыларын туһунан иһитиннэрдэ
![](https://sakha-sire.ru/wp-content/uploads/2023/12/3ubxthrlbmppphhijbf3zxzwjmxo1mmv-1060x596.jpg)
Арассыыйа сорох соҕуруу эрэгийиэннэригэр байыаннай эпэрээссийэ биллэриллиэҕиттэн аэропортар сабыллан тураллар. Аэропортар хаһан аһыллыахтарын туһунан Владимир Путин быһа эпиирин кэмигэр хоруйдаата.
— Аэропортар аһыллыыларын туһунан эттэххэ, бастатан туран, биһиги манна куттал суох буолуутун хааччыйыахтаахпыт. Бу сүрүн боппуруоспут, — диэн этэр Владимир Владимирович.
Санатан эттэххэ, билигин Арассыыйа соҕуруу эрэгийиэннэригэр уон биир аэропорт сабыллан турар. Ол иһигэр Крым, Краснодар, Анапа, Геленджик, Ростов-на-Дону, Белгород, Брянск, Элиста, Курск, Воронеж, Липецк аэропортара. Былырыын бу аэропортарга бүддьүөттэн көмө быһыытынан 7,5 млрд солкуобай көрүллүбүтэ. Оттон быйыл ыам ыйыгар — 2,5, балаҕан ыйыгар – 2,6 млрд солкуобай.
Ахсынньы 15 күнүгэр Краснодарга бастакы рейс көтүөхтээх. Краснодар кыраайын тырааныспарын министиэристибэтэ иһитиннэрбитинэн, бу көтүү кэтээн көрүү быһыытынан ыытыллыахтаах.
Сообщить об опечатке
Текст, который будет отправлен нашим редакторам: