Владимир Путины Бэрэсидьиэнинэн талбыппыт биир сыла: быыбардааччы 87,28 % куолаһын биэрбитэ

Share

Былырыын кулун тутар 15-17 күннэригэр Арассыыйа олохтоохторо дойду Бэрэсидьиэнинэн Владимир Путины бэһис болдьоҕор талбыппыт.  

Быыбарга саҥа эрэгийиэннэр — ДНӨ, ЛНӨ, Запорожскай уонна Херсонскай уобалас олохтоохторо көхтөөхтүк кыттыбыттара. Үс күнү быһа ыытыллыбыт быыбардыыр учаастактарга быыбардааччы 77, 44 % кэлбитэ.  Бу дойду Бэрэсидьиэнин талбыппыт тухары саамай үрдүк көрдөрүүнэн буолар.  УИК боротокуолун 100 % көрүү кэнниттэн Бэрэсидьиэни алта сыллаах бэһис болдьоҕор олороругар 87,28 бырыһыан киһи куолаһын биэрбитэ көстүбүтэ. Владимир Путин РФ Бэрэсидьиэнин поһугар киирэр инаугурацията ыам ыйын 7 күнүгэр буолбута.

Хаартыска: Андрей Сорокин, СИА.
Хаартыска: Андрей Сорокин, СИА.

Бэрэсидьиэн саҥа болдьоҕор киирээт да, “кэлиэм” диэбит эппит тылыгар туран, бэс ыйын 18 күнүгэр Саха сиригэр кэлбитэ. Биир күннээх оробуочай сырыытын «Үлэ кыбаарталыттан» саҕалаабыта. Манна кини өрөспүүбүлүкэ инновационнай хампаанньаларын бастыҥ бырайыактарын,  киинэ индустриятыгар ситиһиилэрбитин, оҥоһуу өйү мэдисиинэҕэ туһаныыбытын ордук сэргээбитэ.

Өлүөнэ муостатын тутууну, хаарбах дьиэттэн көһөрүү бырагырааматын түргэтэтиини, Межвузовскай кампус тутуллуутун, Дьокуускай куорат маастар былаанын өйөөбүтэ. Салгыы Владимир Путин «Земскэй дуоктар», «Земскэй учуутал», «Муравьев-Амурскай 2030» каадыр бырагырааматыгар кыттааччылары кытары көрсөн этиилэрин истибитэ, бу манан кини Уһук Илиҥҥэ каадыр боппуруоһугар улахан болҕомтотун уурарын көрдөрбүтэ.

Бу кэннэ Бэрэсидьиэн Муусука үрдүкү оскуолатыгар сылдьан, Саха сирин талааннаах оҕолорун кытары көрсүбүтэ.

Ил Дархан Айсен Николаевы кытта өрөспүүблүлүкэ экэниэмикэтин, сайдыытын боппуруостарын быһаарсыбыттара.

Бу сырыытын түмүгүнэн Владимир Путин хас да дьаһалы бигэргэппитэ.

— Муусука үрдүкү оскуолатын саҥа куорпуһун тутуу 2026 с. бүтүөхтээх, 2025 сылга мусукаалынай инструменнар ылыллыахтаахтар.

— УИУо оскуола иннинээҕи үөрэхтээһин тэрилтэлэрин иитээччилэригэр уонна эбии үөрэхтээһин тэрилтэлэрин педүлэһиттэригэр «Земскэй учуутал» бырагыраама төлөбүрдэригэр майгынныыр биир кэмнээх компенсация төлөбүрүн олохтуур боппуруоһу көрүөххэ.

— УИУо мэдиссиинискэй тэрилтэлэргэ мэд.каадырдары бэйэҕэ тардыыга “Земскэй быраас” уонна “Земскэй фельдшер” бырагыраамалар көдьүүстэрин үрдэтии.

— УИУо оҥоһуллар киинэни тарҕатыыга, киинэ бэстибээллэригэр ситиһиилээх киинэлэри уонна анимационнай оҥоһуктары тарҕатыыга судаарыстыба өйөбүлүн дьаһалларын боппуруоһун көрүөххэ.

— Саха сиригэр оҥоһуу өй дааннайдарын обработкалыыр киини тэрийиигэ этиилэри киллэрии.

— «Смарт Юнит» диэн саха хампаанньатын «Хорус» авиамотуорун кэтээн көрүү систиэмэтигэр туһаныыны өйүүр уонна Арассыыйа уонна тас дойдулар ырыынактарыгар тарҕатыы боппуруоһун көрүөххэ.

— Уһук Илиҥҥи федеральнай уокурукка тутууга уонна ОДьКХ-ҕа энергетическэй уонна ресурснай көдьүүстээх буолууну үрдэтиигэ тутуу матырыйаалын оҥорон таһаарыыга судаарыстыба өйөбүлүгэр эбии дьаһалларын ылыы боппуруоһун көрүөххэ.

— НДФЛ үрдээһинэ хотугу надбавкаҕа тарҕаныа суоҕа.

— Дойду иһинээҕи видео оонньуулары оҥорооччулары өйөөһүҥҥэ федеральнай бүддьүөттэн үбү көрүүнү хааччыйыы.

— “Россия – Страна возможностей” платформа тэрээһиннэрин испииһэгэр “Моя профессия – IT” куонкуруһу киллэрии боппуруоһун көрүү.

— “Үтүө санаа симфонията” диэн норуоттар икки ардыларынааҕы музыкальнай толоруу куонкуруһун ыытарга.

— “Үтүө санаа симфонията” куонкуруһу 2024/25 үөрэх дьылыгар ыытыллар олимпиадалар уонна атын интеллектуальнай эбэтэр айар күрэхтэһиилэр испииһэктэригэр киллэрэргэ көмөлөһүү

— Өрөспүүбүлүкэҕэ киһитэ суох көтөр тэриллэри комплекснай туһаныыга инновационнай киини тэрийии төһө кыаллыан сөбүн көрүү.

Recent Posts

  • Култуура
  • Сонуннар

«Ньурба көмүс күһүнэ» литэрэтиирэ бэстибээлин тосхоло

Балаҕан ыйын 4 күнэ "Ньурба литературатын олоҕун оҥорбут үс үбүлүөйдээх суруйааччыларбыт Степан Федотов, Ксенофонт Уткин-Нүһүлгэн,…

37 секунд ago
  • Сонуннар
  • Уопсастыба

Ил Дархан Нерюнгри оройуонугар үлэлиир

Шахтёр күнүн көрсө Ил Дархан Айсен Николаев оробуочай сырыынан Нерюнгри оройуонугар тиийдэ. Бу туһунан кини…

6 минут ago
  • Сонуннар
  • Спорт
  • Уопсастыба

Манчаары Колодезников Москваҕа норуоттар икки ардыларынааҕы турнирга кыайда

Үөһээ Бүлүү улууһун Нам сэлиэнньэтиттэн төрүттээх, «Үс Кут» миэбэл сыаҕын төрүттээччи Манчаары Колодезников джиу-джитсуга норуоттар…

35 минут ago
  • Сонуннар
  • Уопсастыба

Кибер-түөкүн сиэртибэтэ буолбат туһугар…

Кэлиҥҥи сылларга Саха сиригэр информационнай-телекоммуникационнай технологиялары (ИТТ) туһанан буруйу оҥоруу ахсаана элбээтэ. Өрөспүүбүлүкэ олохтоохторо дистанционнай…

1 час ago
  • Сонуннар
  • Уопсастыба
  • Үөрэх

Саха сирин 12 учуутала – Арассыыйаҕа бастыҥнар ортолоругар

Арассыыйа Үөрэхтээһиҥҥэ министиэристибэтэ 1250 учууталы 200 000 суумалаах харчынан бириэмийэлээтэ. Кинилэр ортолоругар Саха сирин 9…

2 часа ago
  • Сонуннар
  • Уопсастыба

Бүгүн сорох сиринэн этиҥнээх ардах түһэрэ күүтүллэр

Бүгүн, атырдьах ыйын 30 күнүгэр, өрөспүүбүлүкэ хотугулуу-арҕаа, киин өттүгэр кыралаан ардыаҕа. Арҕаа, соҕуруу сорох сиринэн…

3 часа ago