Владимир Путины өйүүр илии баттааһыннары Москваҕа тириэртилэр

Тохсунньу 10 күнүгэр Москваҕа киин быыбардыыр ыстаапка Арассыыйа 12 эрэгийиэниттэн, ол иһигэр Саха сириттэн Владимир Путины өйүүр илии баттааһыннары илдьэн туттардылар. 

Илии баттааһыннаах  кумааҕылары Саха Өрөспүүбүлүкэтиттэн сахалыы оһуордаах-мандардаах хоппоҕо уган илдьибиттэр.

Владимир Путины өйүүр илии баттааһынын хомуйар хампаанньа Саха сиригэр  ахсынньы 23 күнүттэн саҕаланан, салгыы ыытылла турар. Онон, бу күннэргэ үгүс киһи Владимир Путины өйөөн илии баттаатылар.

Санатан эттэххэ, Арассыыйа Бэрэсидьиэнин быыбара кулун тутар 15, 16 уонна  17 күннэригэр буолуохтаах. Владимир Путин баартыйаттан буолбакка, бэйэтин туруорунна. Онон, сокуон ирдэбилинэн, кини 300 тыһыынчаттан итэҕэһэ суох илии баттааһынын хомуйуохтаах.