Владимир Путины кытта сыл түмүктэрэ. Сүрүн этиилэр

Азсынньы 19 күнүгэр Владимир Путин 4 чаас 27 мүнүүтэ устата ыыппыт быһа эпииригэр уонна пресс-кэмпириэнсийэтигэр этиллибит сүрүн этиилэри таһаарабыт.

Дойду Бэрэсидьиэнэ 70-тан тахса тиэмэҕэ бэйэтин санаатын эттэ.  Саха сириттэн суруналыыстартан киирбит икки ыйытыыга тута хоруйдаата.

*   Арассыыйа Бэрэсидьиэнэ Владимир Путин 2025 сыл бүтүөр диэри РФ Сэбилэниилээх күүстэрэ фроҥҥа саҥа ситиһиилэри оҥоруохтарыгар эрэлин биллэрдэ.

*   Арассыыйа иһинээҕи баалабай бородуукта үүнүүтэ 1% тэҥ, оттон үс сыл иһигэр номнуо 9,7% буолла.

*   Дойдуга үлэтэ суох буолуу таһыма 2,2% диэри түстэ.

*   Бэрэсидьиэн «Сыл түмүктэрин» кэмигэр Саха сириттэн суруналыыс Олег Колесов ыйытыытыгар хоруйдуу туран, өрөспүүбүлүкэ этэҥҥэ сайдан иһэрин бэлиэтээтэ.

*   Арассыыйа Бэрэсидьиэнэ Владимир Путин байыаннай дьайыыга кыттар Саха сириттэн сылдьар байыастары үрдүктүк сыаналаата.

*   Дойдуга 2026 сыл тохсунньу 1 күнүттэн оҕолоох ыалларга эбии өйөбүл миэрэлэрэ киллэриллэллэр.

*   Путин ыал буолууну «муодаҕа» киллэрэр уонна эдэр ыаллары өйүүр наадатын эттэ. Ону таһынан Бэрэсидьиэн бырабыыталыстыба оҕону көрүүгэ босуобуйа төлөнөр болдьоҕун 1,5 саастан 3 сааһыгар диэри уһатар кыаҕы көрүөхтээҕин бэлиэтээтэ.

*   Владимир Путин быһа сибээс кэмигэр дойдуга утилизационнай хомуур үрдээһинэ үйэлээх буолуо суоҕар эрэлин биллэрдэ.

*   Арассыыйа толору цифровой суверенитеттаах буолла. MAX платформаны тэрийии сөптөөх хардыы буолбутун эттэ.

*   Чэпчэтиилээх эмп-томп чааһынай эмтиэкэлэргэ даҕаны бигэргэтиллибит сыананан атыыланыахтаах.

*   Путин Саха сирин энерготарыыптарын боппуруоһугар болҕомтотун ууруоҕун бэлиэтээтэ.