Владимир Путины Саха сиригэр «Кэлэр кэм туочукатын» аһыллыытыгар ыҥырдылар

Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын аһыллыытыгар ыҥырдылар.

Дойду баһылыгар ыйытыыны Иркутскай уобаласка баар «Кэлэр кэм туочукатын» дириэктэрэ Максим Астраханцев биэрдэ, кини оҥоһуу өй (ИИ) үйэтигэр үөрэхтээһин туһунан ыйытта.
Арассыыйа Бэрэсидьиэнэ үөрэх процеһа уонна атын да тэрээһиннэр үөрэх аудиторияларыгар буолаллара наада диэн хоруйдаата.
«Үөрэнээччи, оскуола оҕото, устудьуон иннигэр турар соруктар аудиторияҕа быһаарыллаллар. Мэйиини үлэлэтии, толкуйдааһын аудиторияҕа тобуллар. Технологиялар сайдыылара уопсастыба биир чааһа буолар, оттон атын чааһа судургу суолунан барар: техниканы туһанар, сөптөөх кнопкалары баттыыр, ол эрээри интеллектуальнай таһымҥа мөлтүүр гына оҥоһуллуо суохтаах», – диэтэ Владимир Путин.
Максим Астраханцев Иркутскай уобаласка баар «Кэлэр кэм туочукатыгар» бу технологиялар көхтөөктүк туттуллалларын бэлиэтээтэ – оҕолору саҥа билиини баһылыылларыгар, педагогтары уруоктарга бэлэмнииргэ, үөрэх процеһын научнай-методическай хааччыйыыга.
«Биһиги өйдүүбүт, Саха Өрөспүүбүлүкэтэ информационнай технологиялар эйгэлэригэр улахан кыахтаах эрэгийиэн быһыытынан иитиигэ, ол иһигэр оҥоһуу өй сайдыытыгар сыһыаннаахтары, саҕаланыаҕыттан учуоттуохтаах. Ол иһин биһиги Владимир Владимировиһы комплекс аһыллыытыгар ыҥырдыбыт уонна бу бырайыакка кини болҕомтотун тардарбытын суолталааҕынан ааҕабыт, тоҕо диэтэххэ дойдуга бастакы босхо чааһынай үөрэх бырайыактарыттан биирдэстэрэ уонна бары оҕолорго аана аһаҕас», — диэн Астраханцев эттэ.
Саха сиригэр «Кэлэр кэм туочуката» – бу билиҥҥи кэмҥэ сөптөөх элбэх функциялаах архитектурнай бөлөх, кини сэттэ оскуола куорпуһун хабар, уопсай иэнэ 33 тыһ. кв. метр кэриҥэ. Комплекс састаабыгар 200 миэстэлээх оҕо уһуйаана, 360 миэстэлээх алын сүһүөх оскуола (1–6 кылаастар) уонна 480 миэстэлээх орто оскуола (7–11 кылаастар) киирэллэр. Ону тэҥэ бассейннаах успуорт саалалаах уонна уус-уран гимнастикаҕа аналлаах саалалаах успуорт комплекстаах. Үөрэх уонна успуорт эбийиэктэрин таһынан, комплекс икки сиэксийэлээз элбэх кыбартыыралаах олорор дьиэлээх уонна 249 массыына киирэр миэстэлээх терминаллаах.
Бырайыак 2021 сыллаахха Саха сирин баһылыга Айсен Николаев уонна «Саҥа дьиэ» үтүөнү санаа пуондатын тэрийээччи Альберт Авдолян Сөбүлэһиилэринэн олоххо киирэр. Бастакы «Кэлэр кэм туочуката» үөрэх комплекса, биисинэс социальнай эппиэтинэһин холобурун быһыытынан тутуллар. Бу иннинэ Иркутскайга «Саҥа дьиэ» үтүөнү дьыала пуондатынан тутуллубута.