«Саллааттарбыт манна хаалбыт дьоннорун тустарыгар санаа-оноо буолбаттарын курдук кыһамньылаах сыһыан баар, көмө, өйөбүл оҥоһуллар”, — диир СӨ ОДьКХ ГУП Дьааҥытааҕы филиалын дириэктэрэ Владимир Софронович Семенов.
— Олох-дьаһах, хомунаалынай хаһаайыстыбаҕа үлэлии сылдьан, байыаннай эпэрээссийэҕэ ыҥырыллыбыт дьону, кинилэр дьиэ кэргэттэрин өйүүр ыстаабы тэрийэр туһунан СӨ ОДьКХ ГУП ааспыт сыл алтынньы 17 күнүнээҕи бирикээһигэр олоҕуран, бу тэрилтэ Дьааҥы улууһугар баар филиалыгар байыаннай эпэрээссийэҕэ ыҥырыллыбыт дьон дьиэ кэргэттэрин өйөөһүҥҥэ хамыыһыйа тэриллибитэ. Улуустааҕы филиалтан 7 үлэһит байыаннай сулууспаҕа ыҥырыллан барбыта. Ыҥырыллан барбыт үлэһиккэ өйөбүл быһыытынан олох-дьаһах, хомунаалынай төлөбүр сорҕотун уйунуу бэрээдэгинэн киниэхэ ый аайы 4 тыһыынча солкуобай көрүллэр.
Улуус саллааттары өйөөһүҥҥэ тэрийбит пуондатыгар анаан хас биирдии үлэһити кытта сөбүлэһиннэриллибит биир күннээх хамнас кээмэйинэн харчы хомуйуллубута – 403 051 солкуобай. Бу тэрилтэттэн байыаннай сулууспаҕа сылдьар хас биирдии саллаат каартатыгар 30 тыһыынча солкуобай, идэлээх сойуустан эмиэ 30 тыһыынча солкуобай ыытыллыбыта. Онон ОДЬКХ-тан 7 байыаннай сулууспалаахха уопсайа 420 000 солкуобай тиксэриллибитэ.
Сэтинньигэ Баатаҕай, Улахан Күөл уонна Хайыһардаах бөһүөлэктэригэр баар хомунаалынай учаастактар кэлэктииптэрэ саллааттар дьиэ кэргэттэригэр иһэр уу мууһун ылан тиэйэн, илдьэн биэрбиттэрэ, ахсынньыга оттор маһы бэлэмнээн тиэйбиттэрэ.
Хайыһардаах нэһилиэгэр саллааттар төрөппүттэрэ уонна кэргэттэрэ олорор дьиэлэрин киин ититэр ситимҥэ холбуурга көрдөһүүлэринэн бу дьон кыбартыыраларын СӨ ОДьКХ ГУП инвестиционнай бырагырааматыгар киллэрэн, 2023 сылга киин ититиигэ холбуурга быһаарыы ылыллыбыта. Саллааттар оҕолоругар Саҥа дьыллааҕы бэлэхтэр үөрүүлээх быһыыга-майгыга туттарыллыбыттара. Онон саллааттарбыт манна хаалбыт дьоннорун тустарыгар санаа-оноо буолбаттарын курдук кыһамньылаах сыһыан баар, көмө, өйөбүл оҥоһуллар.
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…