СИА хаартыската
Байыаннай дьайыы кыттылаахтарыгар психологтар көмөлөрө, өйөбүллэрэ уҕараабат.
Нэдиэлэ устатыгар 500-тэн тахса көмө оҥоһулуннва. Бу саҥа кэлбиттэргэ уонна хаттаан кэлээччилэргэ. Маны сэргэ, 650 кэриҥэ тустаан уонна бөлөххө көмөлөр оҥоһулуннулар. Өрөспүүбүлүкэтээҕи психологическай киин дириэктэрэ Владимир Скрябин бу туһунан иһитиннэрдэ.
—Доннааҕы Ростовка баар байыаннай госпитальга, психосоциальнай көмө тиһиктээхтик оҥоһуллар. Бу байыаннай сулууспалаахтарга уонна кинилэр чугас дьонноругар кэлим көмө, кыһамньы. Байыастар да, атын килийиэнэрбит да маннык кыһамньыттан кинилэр өйгө-санааҕа эрэ көмөнү буолбакка, төрөөбүт дойдуларыттан, бүтүн Саха сириттэн өйөбүл, көмө оҥоһулларын курдук ылыналларын этэллэр. Бу уоскуйарга, турук тупсарыгар көмөлөөх. Манна туох баар ымпыкка-чымпыкка тиийэ көрөн, толкуйдаан, сыаналаан бүтүн хамаанда үлэтэ тэриллэр, — диир кини.
Киин үлэтэ нэһилиэнньэ өйө-санаата, уйулҕата бөҕө уонна харысхаллаах буоларыгар туһуланар. Өрөспүүбүлүкэтээҕи психологическай кииҥҥэ, бу Курашов 36-гар уонна бары улуустар филиалларыгар маннык хабааннаах үлэ ыытыллар. Ыйытыылаахтар уонна филиаллар төлөпүөннэрин билиэн баҕалаахтар: 31-91-09 нүөмэргэ эрийиэххитин сөп. 8-800-100-35-50 эбэтэр 122 нүөмэргэ эрийэн чопчулаһыаххытын эмиэ сөп.
-Бу үлэ Ил Дархан Айсен Николаев сорудаҕынан, СӨ Бырабыыталыстыбатын Бэрэссэдээтэлин солбуйааччы Ольга Балабкина тус сүрүннээһининэн ыытыллар. Манна сылдьыы, көмөнү ылыы босхо, атын ааты толкуйдаан сурутуохха эмиэ сөп. Арыаллааһын төһө наадалааҕынан көрөн оҥоһуллар, — диэн иһитиннэрэр Владимир Скрябин.
СӨ Ил Дарханын уонна бырабыыталыстыбатын пресс-сулууспата
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…