Анал байыаннай дьайыы кыттыылаахтарыгар уонна кинилэр чугас дьонноругар писхологическай көмө уонна психолого-социальнай өйөбүл толору оҥоһуллар, ону сэргэ оҕолору кытары үлэ барар.
Бу үлэ дьон психологическай доруобуйатын чөлүгэр түһэриигэ уонна бөҕөргөтүүгэ туһуланар. Нэдиэлэ иһигэр 653 саҥа уонна хатылаан көмөлөр оҥоһулуннулар. 780 биирдиилээн дьону кытары уонна бөлөҕүнэн үлэ ыытылынна. Бу туһунан муус устар 26 күнүгэр өрөспүүбүлүкэ психологическай киинин дириэктэрэ Владимир Скрябин брифиҥҥэ иһитиннэрдэ.
«Госпиталларга – бу кыргыһыыттан тута кэлбит бааһырбыт дьоҥҥо суһал көмө, киһи тус бэйэтин психологическай туругуттан көрөн үлэ ыытыллар. Ону сэргэ бу уустук иэнийии кэмигэр арыаллааһын, онно эбии чугас дьоннорун кытары кэпсэтии буолар», – диэн киин дириэктэрэ кэпсиир.
Саха сиригэр киин бары филиалларыгар үлэ барар. Госпиталтан ураты психолог көмөтүнэн туһаныы баҕа өттүнэн эрэ оҥоһуллар, киһи көмөнү ылыан баҕарар эрэ буолуохтаах.
«Аймахтарын уонна чугас дьоннорун кытта үлэ уратылаах, уһун кэмнээх, дистресс, сүтэрии уонна кутурҕан, өр кэмҥэ киһи кыайан быһаарыныыны ылыммат, туохха даҕаны наадыйбат буолуутун суох оҥорорго үлэ туһуланар. Онуоха биирдиилээн сүбэ-ама уонна бөлөҕүнэн өйөбүл оҥоһуллар», – диэн эбэн эттэ Владимир Скрябин.
Дьокуускай куоракка көмө ыларга суруттарыыны уонна филиаллар төлөпүөннэрин 8(4112) 31-91-09 эрийэн ыйытыаххытын сөп. Анал байыаннай дьайыы кыттыылаахтарыгар уонна кинилэр чугас дьонноругар өҥө барыта босхо оҥоһуллар, ааты ааттаабакка, хос ааты даҕаны ыйыахха сөп. Итэҕэл төлөпүөнэ: 8-800-100-35-50 (босхо эрийиэххэ сөп) эбэтэр 122, салгыы 6 уонна 2 батыыгын.
Санатан эттэххэ, психологическай көмө Ил Дархан Айсен Николаев сорудаҕынан, СӨ Бырабыыталыстыбатын бэрэссэдээтэлин солбуйааччы Ольга Балабкина сүрүннээһининэн оҥоһуллар.
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. Баартыйа эрэгийиэннээҕи салаатын исполкомун салайааччыта Сулустаан…