Сахагов хаартыската
Бу туһунан бүгүн, муус устар 13 күнүгэр, брифиҥҥэ өрөспүүбүлүкэтээҕи психологическай киин дириэктэрэ Владимир Скрябин эттэ.
“Ол курдук, Саха сирин оройуоннарыгар психологическай десаннары сэргэ, исписэлиистэр байыаннай госпиталларга үлэлииллэр. Үлэ байыастары тэҥэ кинилэр аймахтарын кытта ыытыллар. Дьон туруга араас, күүрүү да баар. Дьон-сэргэ психологическай биригээдэлэр ахсааннарын элбэтэргэ, үлэ быыстала суох барарыгар туруорсаллар”, — диэн Киин дириэктэрэ иһитиннэрдэ.
Кини Саха сиригэр психологическай өйөбүл эрэгийиэннээҕи моделын туһунан сонуннар тарҕаммыттарын кэннэ дойду атын куораттарыттан уонна эрэгийиэннэриттэн элбэхтик эрийбиттэрин бэлиэтээтэ.
“Биһиги исписэлиистэрбитигэр атын ыаллыы эрэгийиэннэртэн кэлэр түгэннэрэ бааллар”, — диэн Владимир Скрябин санаатын үллэһиннэ.
Кини санаатынан, “Защитники Отечества” пуонда психологтары социальнай уонна волонтердар хайысхаларынан үлэлэрин чэпчэтэн, быһаччы бэйэлэрин үлэлэрин толорууга көмөлөһүөҕэ.
“Маны сэргэ өрөспүүбүлүкэ салалтатын сорудаҕынан торумнанар биһиги өҥөлөрбүт онлайн-сервистэрин тест көрүҥүнэн үлэлэтии бэлэмнэниллэр. Кини хас да өҥөнү толоруоҕа, байыаннай эпэрээссийэ зонатыгар сылдьар эбэтэр олорор сиригэр анал идэлээх дьон суох сирдэригэр көмөлөһүөҕэ»,— диэн кини эбэн эттэ.
Кинилэр 122 эбэтэр 8-800-100-35-50 нүөмэргэ эрийэн, тууйуллубут санааларын этиниэхтэрин, өйөбүлү ылыахтарын сөп. Психологтарга кэлэн сүбэлэтиэххэ сөп, ол иһигэр улуустарга эмиэ: 31-91-09. Ону сэргэ оройуоннарга баар байыаннай дьайыы кыттыылаахтарыгар уонна кинилэр дьиэ кэргэттэригэр көмөлөһөр суһал бөлөхтөртөн ыйыталаһыҥ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…