РФ бэрэсидьиэнин пресс-сулууспата
РФ Бэрэсидьиэнэ Владимир Путин сэтинньи 15 күнүгэр быыбар киин хамыыһыйата тэриллибитэ 30 сылынан эрэгийиэннэр быыбардарын хамыыһыйатын салайааччыларын кытары көрүстэ.
Владимир Путин көрсүһүүгэ дойду үрдүнэн быыбар хамыыһыйатын бары таһымыгар 900 тыһ. тахса киһи үлэлиирин, кинилэри таһынан хас быыбар ахсын тыһыынчаттан тахса быыбары кэтээн көрөөччү тахсарын, Арассыыйаҕа быыбар хаамыытын хонтуруоллуурга видеону туһаныы ханнык да дойдутааҕар киэҥник тарҕаммытын бэлиэтээн эттэ.
— Быыбар хаамыытын видеонан быһа эпииринэн кэтээн көрүү маассабайдык биһиги эрэ дойдубутугар киллэриллэн турар. Билигин быыбардыыр учаастактарга барыларыгар кэриэтэ туһаныллар. Бу гражданскай уонна уопсастыбаннай хонтуруол күүһүрбүтүн бэлиэтэ, — диэн этэр кини.
Бэрэсидьиэн отут сыл устата быыбар систиэмэтигэр сокуоннар, бырааптар, нуормалар олохтонуллубуттарын, ону сэргэ кэлиҥҥи сылларга быыбар информацияны биэрии өттүнэн быдан аһаҕас буолбутун бэлиэтиир.
— Арассыыйа быыбарын хамыыһыйата сылтан сыл үлэтин тупсаран иһэрин ойуччу тутан бэлиэтиэм этэ. Билигин информацияны биэрии, нэһилиэнньэҕэ тиэрдии быдан түргэн уонна аһаҕас буолла. Судаарыстыбаннай өҥөнү биэрии порталыгар уонна Быыбар киин хамыыһыйатын саайтыгар сүүрбэттэн тахса сервистар бааллар. Бу өҥөлөр куоластааһыны быдан судургутутан биэрэллэр. Билигин аны электроннай куоластааһын диэн киирдэ. Мин билэрбинэн бу өҥөнөн номнуо отуттан тахса эрэгийиэн туһанар, — диэн иһитиннэрэр.
Түмүккэ Владимир Путин Арассыыйа састаабыгар саҥа киирбит эрэгийиэннэргэ – Донецкай, Луганскай Народнай Өрөспүүбүлүкэлэргэ, Запорожье, Херсон уобаластарыгар – хамыыһыйа биир ситимнээх үлэни ыыппытын бэлиэтээтэ. Санатан эттэххэ, быйыл балаҕан ыйыгар бу эрэгийиэннэр олохтоохторо бэйэлэрин аҕа баһылыктарын талбыттара.
Өрөспүүбүлүкэтээҕи «Сахамедиа» медиа-кииҥҥэ «Дыгын оонньууларын» сэрэбиэйин ыыттылар Ааттаах-суоллаах турнир бары 16 кыттааччыта успуорт көрүҥнэринэн сэрэбиэй…
"Орто дойду" зоопаркаҕа Саргуля уонна Илюша диэн ааттаах бизоннарга тыһы ньирэй төрөөтө. Зоопарка салалтата бизон…
Дьокуускайдааҕы полиция 2 №-дээх отделын дьуһуурунай чааһыгар дьахтар 108 тыһ. солк. харчыта уоруллубутун туһунан тыллаабыт.…
Бэс ыйын 26 күнүттэн 28 күнүгэр диэри Дьокуускайга Астана куорат култууратын күннэрэ ыытыллыахтара. Бу тэрээһин…
Быраастар мэдиссиинэ көрүүтүн эбэтэр диспансеризация кэмигэр суоппарга тимир көлөнү салайыыга бобор-хаайар ыарыыны буллахтарына, ГАИ иниспиэктэрэ…
ИДьМ сулууспатын Хаҥалас улууһунааҕы отделын дьуһуурунай чааһыгар олохтоох киһи 17 тыһ.солк. кэриҥэ сыаналаах бензопилата уоруллубутун…