Бүгүн, бүгүн олунньу 9 күнүгэр, өрөспүүбүкэ профсойууһун актыыбын кытта РФ Бэрэсидьиэнэ Владимир Путин итэҕэллээх дьоно – Саха сиригэр Афганистан бэтэрээннэрин сойууһун бэрэссэдээтэлэ, Бүтүн Арассыыйатааҕы норуот фронун эрэгийиэннээҕи ыстаабын чилиэнэ Валерий Лютай уонна «Сахафильм» киинэ хампаанньатын салайааччыта Алексей Егоров көрсүбүттэрин туһунан Саха сирин профсоюһун федерациятын пресс-сулууспата иһитиннэрэр.
Кинилэр профсойуус лиидэрдэригэр сүрүннээн туох сорук турарын иһитиннэрдилэр. Профсойуус актыыбын долгутар сүрүн боппуруостар тула кэпсэтии буолла. Култуура үлэһиттэрин профсоюзтарын рескомун бэрэссэдээтэлэ Анастасия Самсонова «РФ биэнсийэтин туһунан» сокуоҥҥа уларытыылары киллэрэргэ этиини оҥордо. Ол курдук, айар үлэһиттэргэ уруккунан ааҕыллар үлэ ыстааһын төннөрөргө ыйда.
Ону тэҥэ, байыаннай дьайыы кыттыылаахтарыгар уонна кинилэр дьиэ кэргэттэригэр көмөнү оҥоруу боппуруоһа көрүлүннэ.
— Маннык хабааннаах көрсүһүүлэр былааһы кытта көдьүүстээх кэпсэтиини ыытарга улахан көмөлөөхтөр. Профсоюз үлэһиттэрэ өрүү олох үөһүгэр сылдьаллар. Үлэһиттэр боппуруостарын, кыһалҕаларын быһаарыынан күн аайы үлэлииллэр, — диэн СӨ профсойууһун федерациятын бэрэссэдээтэлэ Николай Дегтярев санаатын үллэһиннэ. Кини профсойуус актыыба Владимир Путин кандидатуратын өйүүргэ аналлаах илии баттааһыны хомуйууга биир бастакынан көхтөөхтүк кыттыбытын туһунан эттэ.
Ону тэҥэ, Саха сирин профсойууһун федерациятын быһаччы көҕүлээһининэн профсойуус салааларыттан Владимир Путин аадырыһыгар этии хомуйууну саҕалаабыта. Ону түмүллэн дойдубут бэрэсидьиэнин уопсастыбаннай приемнайыгар хайыы үйэ бэриллибит. Бүгүн ол этиилэри көрсүһүүгэ кэлбит Владимир Путин итэҕэллээх дьонугар туттардылар.
Сиһилии бу сигэнэн киирэн ааҕыҥ.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…