Владимир Путин оҕону түһэртэриигэ болҕомтолоохтук сыһыаннаһарга эттэ

Владимир Путин олус наадалаах боппуруоска санаатын эттэ. Ол курдук, оҕо түһэртэриитигэр болҕомтолоохтук сыһыаннаһарга быһа эпиир кэмигэр эттэ. Ити боппуруос судаарыстыба демографическай балаһыанньатын тупсарыыга улахан суолталаах. 

Бэрэсидьиэн дьахтар бырааба уонна көҥүлэ барыта учуоттаныллыахтааҕын ыйда. «Тоҕо бобо сатыылларый?  Ити бобууларга сыһыаннаан арыгыны утары хампаанньаны санаан кэллим. Арыгыны бобуу саҕаламмытыгар суррогаттары ордук иһии элбээн, дьон сүһүрүүтэ олус элбээбитэ. Ол иһин итинник хабааннаах боппуруостарга сэрэнэн болҕомтолоохтук сыһыаннаһыллыахтаах.  Таҥара дьиэтин тутуһар санаата өйдөнөр. Хас биирдии киһи олоҕун туһугар охсуһар. Судаарыстыба дьахтар оҕотун хаалларарыгар интэриэһэ олус улахан», — диэн эттэ Владимир Путин.