Владимирскай уобаласка “Саха киинэтин күннэрэ” саҕаланыахтара

Олунньу 10-13 күннэригэр  “Саха киинэтин күннэрэ” Владимирскай уобаласка ыытыллыахтара. Уобалас Култуураҕа министиэристибэтин өйөбүлүнэн «Киинэ киинэ» ыытар киинэ нэдиэлэтигэр “Увидеть море” уонна “Сахафильм”  хампаанньалар киинэлэрин көрдөрүөхтэрэ.

Маны сэргэ режиссер, продюсер, «Увидеть море» киинэ устуудьуйатын генеральнай дириэктэрэ  Мила Кудряшовалыын уонна СӨ үтүөлээх  артыыската Валентина Романова-Чыскыырайы кытары айар көрсүһүүлэр , “Ньургун Боотур” олоҥхо-опера киинэҕэ версиятын көрдөрүү чаҕылхай өйдөбүллэри хаалларыахтара.

“Ньургун Боотур” киинэҕэ версиятын көрдөрүү кэнниттэн дьүүллэһиигэ Суорун Омоллоон аатынан Опера уонна балет  тыйаатырын  дириэктэрэ Владислав Левочкин уонна өрөспүүбүлүкэ норуодунай, үтүөлээх артыыстара кыттыахтара.