Владимир Трегубов «Спортивнай» микро-оройуон тутуутун туһунан санаатын үллэһиннэ

Бэҕэһээ, ыам ыйын 11 күнүгэр, РФ Бэрэсидьиэнин көмөлөһөөччүтэ Максим Орешкин Саха сиригэр оробуочай сырыытын кэмигэр Өрөспүүбүлүкэ баһылыга Айсен Николаевы кытары Дьокуускай куорат 17-с кыбартаалыгар, «Кырдьаҕас куорат» история-архитектура комплекска, «Звезднай» микро-оройуоҥҥа, 68 түөлбэҕэ, о.д.а. сылдьан көрдө.

17-с кыбартаалга үлэ туһунан «Өрөспүүбүлүкэтээҕи ипотечнай ааҕыныстыба» генеральнай дириэктэрэ Владимир Трегубов:

— Бэҕэһээ биһиги РФ Бэрэсидьиэнин көмөлөһөөччүтэ Максим Орешкиҥҥэ «Спортивнай» микро-оройуон бырайыагын билиһиннэрбиппит. Бу оройуон 2-с, 4-с уонна 17-с кыбартааллар миэстэлэригэр уон сыл иһигэр тутуллан киириэхтээх диэн былааннанар.

Дьокуускайга улахан суолталаах бырайыак быйыл саҕаланарын истэн, өйүүллэрин билэр олус диэн үөрдүбүт.

Саҥа микро-оройуон сири-уоту биир кэлимник сайыннарар федеральнай сокуон иитинэн олоххо киириэҕэ.