Салгыы
Владислав Аргунов: «Улуу хотой»

Владислав Аргунов: «Улуу хотой»

Ааптар:
24.10.2022, 12:30
Бөлөххө киир:

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 39-с кыттааччыта  Cунтаартан Владислав Аргунов:

Улуу хотой

Ыйдаҥа сиэтэр

Санааҕын ситэр,

Көмүс кынаккын

Сиккиэр харыстыыр.

Сууллар да кэмҥэр

Сүрэх бэриммэт,

Сүппэт эдэрин

Күүтэр эрэлин.

Уол моҕотой  — улуу хотой

Киэҥ кынаттаах мохсоҕол,

Тирииҥ саха —  атыҥ ньоҕой

Айылҕа ииппит оҕото.

Хара тыаҕа сүтүөҥ суоҕа

Сирдиэҕэ өбүгэҥ суола,

Харыстыаҕа Байанайыҥ

Алгыстыаҕа айаннаргын.

Икки атах, хара харах

Быһый бэрдэ эдэр кэмҥэр,

Ойон-сүүрэн атастаргар

Эрэллэргин бигэргэтээр.

Ким да суох, туох да суох

Эн уонна уһун суол,

Охтубат — тулуурдаах

Ол куруук кынаттаах.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: