Сайана Львова хаартыската
Бүгүн «Туймаада» стадиоҥҥа «Азия оҕолоро» норуоттар икки ардыларынааҕы оонньуулар чэпчэки атлетикаҕа түмүктүүр күрэхтэһиигэ кыргыттар уонна уолаттар 4х400 миэтирэҕэ эстафетаҕа сүүрдүлэр.
Саха сирин бастакы сүүмэрдэммит хамаандатын састаабыгар Бүлүү улууһуттан сылдьар Владислав Данилов кытынна. Кини бэҕэһээ мэһэйдээх сүүрүүгэ иккис буолан, үрүҥ көмүһү ылбыта. Владислав күрэхтэһиигэ кыттыытын туһунан санаатын үллэһиннэ:
— Мин Бүлүү улууһуттан кэлэн кытта сылдьабын. Саха сирин сүүмэрдэммит бастакы хамаандатын састаабыгар киирсэбин. Миигин тириэньэрим Туйаара Рожина эрчийэр. Сүүрүүнэн үс сыл курдук дьарыктанным. Бэҕэһээ олус үчүгэйдик кыттыбытым, 400 м уһуҥҥа мэһэйдээх сүүрүүгэ тус зачеппар иккис миэстэни ылан, үрүҥ көмүс призер буоллум. Онон үөрэ, астына сылдьабын. Бүгүн эстафетаҕа сүүрдүбүт, аһара үчүгэй да, куһаҕан да диэбэппин. Бастакы – мин, иккис этабынан Сергей Сотников, үсүһүнэн – Эрчимэн Дрогунов, төрдүһүнэн – Владислав Антонюк сүүрдүлэр.
«Азия оҕолоро» норуоттар икки ардыларынааҕы оонньуулар биһиэхэ олус улахан уопуту биэрдилэр. Түөрт күн тура тэбинэн күрэхтэстибит, «Азия оҕолоро» оонньуулар үрдүк тэрээһиннээхтэрин бэлиэтии көрдүбүт, ким даҕаны хомойон, хоргута сылдьарын көрбөтүм, кыттааччылар бары өрө көтөҕүллэн, үөрэ-көтө сылдьаллар.
Бүгүн, от ыйын 9 күнүгэр, күнү-дьылы кэтээн көрөөччүлэр Саха сирин үгүс улуустарыгар +35+39°С кыраадыс итии…
«Саха» Национальнай Көрдөрөр-иһитиннэрэр хампаанньа эрэдээктэрэ Альбина Тарабукина СӨ норуотун хаһаайыстыбатын үтүөлээх үлэһитэ, СӨ култууратын туйгуна,…
Амма Чапчылҕаныттан төрүттээх Андрей Мидловец 61 киилэлээхтэргэ диэри көҥүл тустууга Европатааҕы чөмпүйэнээккэ кыһыл көмүс мэтээли…
Дьиэ кэргэн, таптал уонна бэриниилээх буолуу күнүгэр эдэр ыалларга дьиэ кэргэн холумтанын бэлиэтэ буолар уоту-күөһү…
Өрөспүүбүлүкэтээҕи дьиэ кэргэн бэстибээлин чэрчитинэн ыытыллыбыт тэрээһин Арассыыйаҕа Дьиэ кэргэн, Саха сиригэр Оҕо саас сылларыгар…
Сахастат «Хотун» хамаандата Росстат Кубогын кыайда уонна Башкортостан Өрөспүүбүлүкэтигэр ыытыллар Арассыыйа Global Management Challenge стратегия…