Женни Стрюкова хаартыскаҕа түһэриитэ
Бүгүн, сэтинньи 14 күнүгэр, Федеральнай нолуок сулууспатын СӨ управлениетын салайааччытын солбуйааччы Владислав Скрябин пресс-кэмпириэнсийэ ыытта. Биллэн турар, сүрүн кэпсэтии 2024 сылга нолуогу төлөөһүн тула буолла.
Бу дьыл балаҕан ыйыттан өрөспүүбүлүкэҕэ физическэй сирэйдэр баайга-дуолга нолуоктарын төлөөһүн хампаанньата саҕаламмыта.
— Өрөспүүбүлүкэҕэ 342 тыһ. нолуок иһитиннэриитэ тарҕаммыта. 227 тыһ. иһитиннэрии туһанааччыларга тус кэбиниэттэригэр тиийбитэ. Почта биэрбит чахчытынан, сэтинньи 1 күнүгэр нолуок туһунан биллэрии аҥаара аадырыстаммыт киһитигэр туттарылынна. Саха сирин үрдүнэн 2023 сылга физическэй сирэйдэр баайга-дуолга нолуоктарын суумата 1,4 млрд солк. тэҥнэһэр. Манна даҕатан эттэххэ, сыл ахсын өрөспүүбүлүкэ үрдүнэн нолуокка чэпчэтии көрүллэр киһитин ахсаана элбээн иһэр. Ол курдук, 36 тыһ. граждаҥҥа тырааныспар нолуогар чэпчэтии көрүлүннэ. Ону тэҥэ сир нолуогар – 134 тыһ. киһиэхэ уонна баай-дуол нолуогар 187 тыһ. граждаҥҥа. Бу үс нолуогунан чэпчэтии кээмэйэ 719 мөл. солк. тэҥнэстэ, — диэтэ Владислав Спиридонович.
Салайааччыны солбуйааччы байыаннай дьайыыга ыҥырыллыбыттар, баҕа өттүлэринэн барбыттар уонна хантараактаспыттар баайдарын нолуогар туох чэпчэтии көрүллэригэр эмиэ тохтоото. Ол курдук, бу чэпчэтиилэр кинилэр дьиэ кэргэттэригэр эмиэ олохтонорун санатта. Чуолаан, РФ Нолуокка Кодексын ыстатыйатыгар олоҕуран, нолуоктан босхолонуу кэрискэтэ кэҥээбитин аҕынна. Өрөспүүбүлүкэ сокуонунан тырааныспар нолуогар байыаннай дьайыы кыттыылаахтарыгар 2022 уонна 2023 сылларга тырааныспар нолуогун төлөбүрүттэн толору босхоломмуттарын салгыы бэлиэтээтэ.
Владислав Скрябин салгыы уурунууга НДФЛ боппуруоһун таарыйда. Кини этэринэн, бу нолуок өссө 2021 сыллаахха киллэриллибит. Ол эрээри дьону өйөөн, быстах кэмҥэ мораторий биллэрбиттэр. Онон бааҥҥа уурунууга бырыһыан дохуотугар 2021 уонна 2022 сылларга НДФЛ ааҕыллыбатах. Оттон 2023 сылга ылыллыбыт дохуокка бүгүҥҥү туругунан нолуоктанар. Дьон маныаха бэйэлэрэ төһөнү төлүүллэрин ааҕаллара ирдэммэт, нолуок уорганнара туһааннаах иһитиннэриини бааннартан ылаллар.
Салгыы кини нолуокка иэс боппуруоһугар тохтоото. Сэтинньи 1 күнүнээҕи туругунан 151 тыһ. тахса киһи иэстээҕэ биллибит. Бу уопсай суумата 328 мөл тахса солк. Улахан иэстээхтэр ахсааннарыгар Дьокуускай, Нерюнгри олохтоохторун тэҥэ Ленскэй, Алдан, Мэҥэ Хаҥалас, Хаҥалас уо.д.а. улуустар бааллар.
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…