Владивостокка эмтэнэ сытар, Саха сириттэн сылдьар байыастарга бу куоракка олорор сахалар ас астаан илдьэн, аһаттылар, үүнэн эрэр Саҥа дьылынан эҕэрдэлээтилэр.
Бу туһунан Уһук Илиҥҥэ Саха Өрөспүүбүлүкэтин Бастайааннай бэрэстэбиитэлэ Ким Борисов иһитиннэрдэ.
Саха сириттэн анаан тыа хаһаайыстыбатын оҥорон таһаарааччыларын бородуукталарын аҕалтарбыттар. Манна волонтердар түмсүүлэрэ уонна биирдиилээн урбаанньыттар, тэрилтэлэр көмөлөспүттэр.
Дойдуларыттан тэйэн, ахтан сылдьар байыастар сахалыы төрүт астарын амсайан, күүстэригэр күүс эбилиннэ, санаалара көтөҕүлүннэ. Хас биирдии байыаска үстүү киилэлээх нобуору туттардылар. Манна алаадьы, ыһаарыламмыт собо, отон муоруһа, убаһа этэ, о.д.а. баар. Владивостокка олорор ийэлэр, эбэлэр сүрэхтэрин сылааһын анаан, бары мустан астаатылар. Бородууктаны тиксэрии эрэ буолбакка, бэлэмнээн, астаан, сып-сылаастыы, алгыс тыллаах туттарбыттара хайҕаллаах.
— Уһук Илиҥҥэ олорор Саха сириттэн сылдьар хас биирдии киһи госпиталларга эмтэнэ сытар байыастар тустарыгар кыһаллар. Владивосток куорат биир дойдулаахтарын түмсүүтэ Уһук Илиҥҥэ баар “Саха-волонтер” хамсааһын актыбыыстарын кытары бииргэ байыаннай сулууспалаахтарга уонна кинилэр дьиэ кэргэттэригэр көмөлөһөллөр. Быстах хомуур биллэриллибитигэр эбии таҥас, анал мал ыларга, тиэрдэргэ көмөлөспүттэрэ, билигин эчэйиини ылбыт байыастарга көмө оҥорорго үлэлэһэллэр, — диэн Ким Борисов эттэ.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…