Балаҕан ыйын 3 күнүгэр Владивостокка Уһук Илиҥҥи федеральнай университет кыһатыгар «Уһук Илиҥҥи уулусса» быыстапка үөрүүлээх аһыллыыта буолла.
Уон сыллаах үбүлүөйдээх Илиҥҥи экэниэмикэ пуорумугар сөп түбэһиннэрэн оҥоһуллубут быыстапкаҕа Арассыыйа 11 Уһук Илиҥҥи эрэгийиэннэрин, ону тэҥэ федеральнай министиэристибэлэрин уонна биэдэмистибэлэрин көрдөрдүлэр. Тэрээһини РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлин аппараатын өйөбүлүнэн «Росконгресс» пуонда тэрийэн ыытта.
«Илиҥҥи экэнэмиичэскэй пуоруму онус төгүлүн арыйабыт. «Уһук Илиҥҥи уулусса» быыстапка Уһук Илин уокурукка: Приморьеҕа уонна Хабаровскай кыраайга, Бурятияҕа уонна Саха сиригэр, Магадан уобалаһыгар уонна Чукоткаҕа тапталбытын билинэр соруктаах тэрийбиппит. Ол баҕа санаабыт толору туолла. Быыстапка Уһук Илин барыта уларыйыытын туоһулуур — куораттар уонна сэлиэнньэлэр биллэ тубустулар, саҥа инвестиционнай бырайыактар толкуйданан, балыыһалар, оскуолалар, оҕо саадтара тутуллаллар, Уһук Илин инфраструктурата тупсан, өссө табыгастаах уонна кэскиллээх буолан иһэр. Ити барыта РФ Бэрэсидьиэнэ Владимир Путин 2013 сыллаахха Уһук Илин сайдыыта национальнай приоритет буоларын быһааран, олоххо киирдэ. Бу үлэҕэ кыттыбыт дьоҥҥо барыларыгар махтанабын, — диэн эттэ РФ миниистирин солбуйааччыта, РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, Илиҥҥи экэнэмиичэскэй пуорум тэрийэр кэмитиэтин бэрэссэдээтэлэ Юрий Трутнев.
Саха сирэ быыстапкаҕа 1078 кв.м иэннээх сири хапта: «Саха сиригэр оҥоһулунна» диэн атыы-эргиэн быыстапкалыыр сирэ уонна дьыалабыай, култуурунай тэрээһиннэргэ ыытыллар сыана. Өрөспүүбүлүкэ сайдыы бары хайысхатыгар 51 инвестиционнай бырайыагы билиһиннэрдэ.
“Уһук Илиҥҥи уулусса” быыстапка пуорум кыттыылаахтарыгар балаҕан ыйын 3 күнүттэн 6 күнүгэр диэри, оттон балаҕан ыйын 7 күнүттэн 9 күнүгэр диэри Владивосток олохтоохторугар уонна ыалдьыттарыгар аһаҕас буолуоҕа.
Сиһилии https://www.sakha.gov.ru/ сигэнэн билсиҥ.
Бүгүн, олунньу 4 күнүгэр, өрөспүүбүлүкэ хоту, арҕаа, соҕуруулуу-илин өттүгэр кыралаан хаардыаҕа. Күнүс соҕуруулуу-илин хаар сөбүгэр…
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…