А.Сорокин, ЯСИА
Хомунаалынай инфраструктураны саҥардыыга ситиһиилэр баалларын туһунан Айсен Николаев 2025 сылга “Водоканал” аахсыйалаах уопсастыба үлэтин барыллааһын түмүктэрин көрүүгэ анаабыт мунньаҕар бэлиэтэннэ.
“Былырыын хампаанньа ууустук усулуобуйаҕа үлэлээбитэ, ол эрээри киллэрэр барыһа биллэрдик үрдээтэ. Дьокуускайга бөдөҥ эбийиэктэр киириилэрэ элбэх кыбартыыралаах дьиэлэри тутууга былааны олоххо киллэрэргэ төһүү буоллулар”, — диэтэ Айсен Николаев.
Өрөспүүбүлүкэ баһылыга сүрүн соруктартан биирдэстэринэн Дьокуускайга ууну биологическай ыраастааһын ыстаансыйатын саҥардыы буоларын бэлиэтээтэ. Кини бу бырайыагы федеральнай бырагыраамаларга киллэриини туруорсууну Бырабыыталыстыбаҕа сорудахтаата.
“Водоканал” былырыыҥҥы ситиһиилэригэр “Звезднай” түөлбэҕэ уу ситимин (водоузел), водозабор тиэргэнигэр гражданскай оборона тутуутун үлэҕэ киллэриини ааттыахха сөп. Ону тэҥэ тэрилтэ Дьокуускайга 4 №-дээх водоузелы уонна Үөһээ Бүлүүгэ водозабор хочуолунайын туппут.
Дьокуускайга өссө 5 водоузелга “Хлор-мониторинг” салайар модулу уонна уу хаачыстыбатын анаалыстыыр “Коагулянт Осветлитель” туруоруу ситиһиллибит.
“1 млрд 642 мөл солк инвестиционнай бырагырааманы толоруу күүтүллэр”, — диэтэ генеральнай дириэктэр Анатолий Кырджагасов. Тэрилтэ элбэх уоту туһанар эбийиэктэр уот энергиятын кууһунан биэрии ырыынагар киирбиттэр. Онон уоту кэмчилээһин 19 мөл солк. тэҥнэспит. 42,5 мөл солк. оборудование, 17 мөл солк. автотиэхиньикэ атыылаһыллыбыт. Богдан Чижик уулуссаҕа абоненнары хааччыйар киини арыйбыттар.
sakha.gov.ru
Хаартыска: Андрей Сорокинн, ЯСИА
Сиһилии: https://www.sakha.gov.ru/news/20688
Мэҥэ Хаҥалас улууһугар Олохтоох бэйэ оҥорон таһаарыы сылын чэрчитинэн, Майа сэлиэнньэтигэр бүгүн «Төрүччү» сылын түмүктүүр…
Саха сиригэр "Мобильнай хирургическай киин" инновационнай бырайыагы олоххо киллэрии салҕанар. Бырайыак Ил Дархан Айсен Николаев…
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…