«Водоканал» үлэһиттэрэ Өлүөнэ өрүс кытылын хомуйдулар

Өлүөнэ өрүс күнүгэр «Водоканал» хампаанньа үлэһиттэрэ өрүс кытылын хомуйдулар. Маннык аахсыйаны кинилэр сыл аайы ыыталлар.

Бу  Дьокуускай  ууну ыраастыыр ыстаансыйатын чугаһынааҕы сир харыстанар зона буолар, мээнэ киһи сылдьыбат, ол эрээри, сыллата халаан кэнниттэн элбэх бөх-сах, мас, тимир, былаастык бытыылкалар, о.д.а. хаалар.

Субуотунньукка тэрилтэ араас салааларыттан отучча киһи кытынна, хас да улахан тиэхиникэ үлэлээтэ. Бүгүн 30 кыраадыстаах итиини куйаас диэбэккэ, туруулаһан үлэлээтилэр. Тоҕо диэтэр, хампаанньа үлэтигэр айылҕаны харыстыыр хайысхалаах.