Хаартыска СӨ Быыһыыр сулууспатын пресс-сулууспатыттан
Бэҕэһээ, от ыйын 22 күнүгэр, Дьокуускай куорат 203 түөлбэтигэр Быыһыыр сулууспа водолазтара Василий Андреев уонна Станислав Соломахин аҕалаах уолу быыһаатылар.
Үс киһилээх водолазтар бөлөхтөрө «Якутия-24» телеханаалга анаан 203 түөлбэҕэ водолазтар үлэлэрин туһунан репортаж уста барбыттар. Репортаж устан баран сөтүөлүү сылдьар дьон аттынан ааһан истэхтэринэ ПСП водолазтарын старшината Василий Андреев: «Тохтоо!» диэн хаһыытаат массыынаттан ойон тахсыбыт.
Кини кэлин кэпсээбитинэн, өрүскэ кытылтан ырааҕа суох тэйиччи уол оҕо ууга тимирээри булумахтана сылдьарын ыраахтан көрбүт. Ол кэнниттэн уолга көмөҕө аҕата ыстаммыт, ол эрээри бэйэтэ эмиэ тимирэн барбыт.
Василий сүүрэн тиийэн бастаан аҕаны илиититтэн тутаат бэйэтигэр тардыбыт, бу кэмҥэ Станислав ситэн кэлэн оҕону быыһаабыт.
Кинилэр иккиэн куттаммыт аҕалаах уолу кытылга таһаарбыттар. Уол ууну омурдубут буолан, айаҕын тулата күүгэннирбит эбит.
СӨ Быыһыыр сулууспата Дьокуускай куорат 203 түөлбэтигэр сөтүөлүүр көҥүллэммэтин санатар, сэрэтэр. Өрүс бу эҥэригэр чүөмпэ элбэх, онон көҥүллэнэр эрэ сиргэ сөтүөлүүргэ уонна төрөппүттэр оҕолору көрө сылдьаргытыгар сүбэлииллэр.
Бу субуотаҕа, алтынньы 19 күнүгэр, Бастакы ханаал «Играем свадьбу» бырагырааматын таһаарыытыгар эбэҥки норуотун сыбаайбатын көрдөрүөхтэрэ.…
Ааспыт сууккаҕа Дьокуускай куорат полициятын учаастактааҕы боломуочунайдара сокуоннай сааһын ситэ илик оҕолорго арыгыны атыылааһын биэс…
Нерюнгри оройуонуттан старшай участковай полиция боломуочунайа, старшай лейтенант Роман Морозов «Народный участковый- 2024» куонкурус эрэгийиэннээҕи түһүмэҕин…
Дьокуускай куорат ИДьМ 2 №-дээх полициятын дьуһуурунай чааһыгар киин куорат олохтооҕо биллибэт эр киһи быһаҕынан…
Саха сиригэр байыаннай дьайыы кыттылаахтарыгар уонна кинилэр дьиэ кэргэттэригэр психологическай көмөнү оҥоруу үлэтэ салҕанар. Ааспыт нэдиэлэҕэ…
Дмитрий Петров аатынан Ытык Күөл 2 №-дээх оскуолата сахалартан соҕотох Албан Аат Уордьанын толору кавалера…