Водолазтар Нам оройуонугар сүппүт эр киһини көрдүүллэрин салҕыыллар

Водолазтар Нам оройуонугар өрүс акваториятын чинчийиилэрин салҕыыллар, диэн Саха сиринээҕи Быыһыыр сулууспатын пресс-сулууспата суруйар.

Быыһааччылар эр киһи ууга түспүт сабаҕаланар сирдэрин чинчийэн көрөллөр. Биир суукка иһигэр гидролокатор көмөтүнэн Өлүөнэ өрүс акваторията уонна үрэх уопсайа 380 000 кв.м. иэнэ бэрэбиэркэлэммит.

Бэс ыйын 10 күнүгэр оҥочоттон ууга түһэн сураҕа суох сүппүт эр киһини көрдөөһүҥҥэ Саха сиринээҕи Быыһыыр сулууспатын водолазтара, ГИМС үлэһиттэрэ, аймахтара уонна чугас дьоно кытталлар.

Саха сирин быыһыыр сулууспата санатар — ууга куттала суох буолуу быраабылатын тутуһуҥ!
«112» экстреннай сулууспа нүөмэрэ. СӨ быыһыыр суһал сулууспатын төлөпүөнэ: 8(4112) 45-90-19.

Нам оройуонугар ууга түспүт эр киһини көрдүүллэр