До выборов президента РФ
00 дней
:
00 часов
:
00 минут
:
00 секунд
Военкоматтар быстах хомууртан босхолуур ыспыраапка кимиэхэ бэриллэрин-бэриллибэтин миэстэтигэр быһаарыахтаахтар

Военкоматтар быстах хомууртан босхолуур ыспыраапка кимиэхэ бэриллэрин-бэриллибэтин миэстэтигэр быһаарыахтаахтар

30.09.2022, 12:39
Бөлөххө киир:

СӨ Судаарыстыбаннай мунньаҕын (Ил Түмэн)   норуодунай депутата Елена Голомарева иһитиннэрбитинэн, быстах хомуур чэрчитинэн байыаннай сулууспаттан босхолонор төрүөтэ ыйыллар  ыспыраапкалар  Уһук Илиҥҥэ Саха сирин бастайааннай бэрэстэбиитэлистибэтин нөҥүө  байыаннай  комиссариаттартан ылыллыахтара.

— Бүгүн Уһук Илиҥҥэ Саха сирин бастайааннай бэрэстэбиитэлистибэтин бэрэссэдээтэлэ Ким Борисовы кытары кэпсэтэ сырыттым. Кини оройуон комиссариаттарыттан  байыаннай эбээһинэстээх киһи  босхолонор төрүөтэ ыйыллыбыт ыспыраапкалар ылыллыахтарын  туһунан иһитиннэрдэ. Маныаха өрөспүүбүлүкэтээҕи байыаннай комиссариат улуустааҕы комиссариаттар эбээһинэстэрин чопчулуура нааада. Ол аата байыаннай эбээһинэстээх киһини  быстах хомууртан босхолооһун боппуруостарын оройуоннааҕы байыаннай комиссариаттар бэйэлэрэ быһааралларыгар быраап бэриллэр дуо? Санатан эттэххэ, дойду бэрэсидьиэнэ Владимир Путин бэҕэһээ  Арассыыйа Куттал суох буолуутун сэбиэтин мунньаҕар тыл этэригэр Арассыыйа олохтоохторуттан  быстах  хомуур туһунан элбэх ыйытыы, ол иһигэр ыҥырыыны тэрийии, хааччыллыы хаачыстыбатын, олох-дьаһах усулуобуйатын уо.д.а.,  киирэрин туһунан бэлиэтээбитэ.  Кини хас биирдии сокуоннайа суох быстах хомууру чопчу  быһаарсар уонна алҕастары көннөрөр, инникитин хатылаабат наадатын туһунан эттэ. Алҕастары сүпсүгэ суох, холкутук, ол эрэн түргэнник, ымпыгар-чымпыгар тиийэ уонна олохтоохтук быһаарары ирдээтэ, — диэтэ норуодунай депутат Елена Голомарева. 

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
24 февраля
  • -28°C
  • Ощущается: -28°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: