Военкор Денис Попов: «Виктор Романов туох баар соругу толоруоҕа»

«Сахамедиа» байыаннай кэрэспэдьиэнэ Денис Попов СӨ тутууга миниистирин э.т. анаммыт Виктор Романов туох баар соругу толоруоҕа диэн этэр. Ону кини Донецкай өрөспүүбүлүкэ Кировскай куоратыгар ыыппыт үлэтэ бигэргэтэр диир.

«Виктор Романов үтүө түмүктээх үлэтин туһунан биһиги өрөспүүбүлүкэбит шефтэһэр Кировскай куоратын олохтоохторо этэллэр. Соторутааҕыта онно саҥа фонтан туруоруллубута, социальнай суолталаах уонна инфраструктура үгүс эбийиэгэ сөргүтүллүбүтэ, уулуссаҕа уот холбообуттара, суол үлэтэ ыытыллыбыта», — диэн Денис Попов этэр.

Итиэннэ кини байыаннай дьайыы бара турар сиригэр түргэн уонна быһаарыныылаах буолар наадатын эттэ. «Өрөспүүбүлүкэ исписэлиистэрэ туппут түргэн уонна хаачыстыбалаах эбийиэктэрэ элбэҕи этэллэр дии саныыбын. Миниистир дуоһунаһыгар Виктор Романов туруоруллубут соруктары ситиһиэҕэ», — диэн военкор эбии бэлиэтээтэ.