Военкор Владимир Укоев: «Сынньаныам, онтон Донбасска төннүөм»

Бүгүн, олунньу 10 күнүгэр, сарсыарда Дьокуускай аэропордугар Москваттан кэлбит рейсинэн «Сахамедиа» байыаннай кэрэспэдьиэнэ Владимир Укоев кэллэ. Кини: «Дьиэбэр сыл кэриҥэ буолан баран, дьэ кэллим. Уон күҥҥэ уоппуска ыллым, ол эрээри эрдэ барарым буолуо. Антах билигин үлэ бөҕөтө күүтэр», — диэн Владимир yakutia-daily.ru саайтка иһитиннэрэр.

Кэллиэгэлэрин «Сахамедиа» генеральнай дириэктэрэ Виктор Колесов, военкордар Евгений Петров уонна Федор Григорьев, итиэннэ «Биир Ньыгыл Арассыыйа» баартыйа исполкомун эрэгийиэннээҕи салайааччыта, өр кэмҥэ Владимиры кытта СӨ Бырабыыталыстыбатын тирэх пуунугар бииргэ үлэлээбит Сулустан Заболоцкай көрүстүлэр.

Владимир байыаннай дьайыы саҕаланыаҕыттан өрөспүүбүлүкэ биир кэлим координационнай киинигэр Саха сирин байыаннай сулууспалаахтарыгар көмөнү оҥорууга үлэлиир. Туох даҕаны омуна суох суруйдахха, кинини сулууспалаахтар бары билэллэр. Оттон бүтэһик кэмнэргэ Владимир байыаннай дьайыы инники кирбиититтэн видеосюжеттары устан, Саха сиригэр ыытар.

Федор Григорьев суруйуутуттан тылбаас.