“ВОИН” киин ыччаты патриоттуу иитиигэ уонна байыаннай-спортивнай бэлэмнээһин эйгэтигэр “За вклад в просвещение в сфере обучения и наставничества” номинациянан бэлиэтэннэ.
Сэтинньи 25 күнүгэр “Россия” национальнай киинигэр Киин сүрэхтэниитэ буолуоҕа. Түмүгү эһиил олунньу 26 күнүгэр таһаарыахтара.
“Знание” уопсастыбаҕа иһитиннэрбиттэринэн, “ВОИН” киин үлэтин кэмигэр настаабынньыктааһын ситимин тэрийдэ.
“ВОИН” киин уопутун билинии олус күндү. Дойдубутугар патриоттуу быһыыны уонна настаабынньыктааһыны биһирээтилэр. Инструктордарбыт үөрэтэллэр. Бэйэлэрин холобурдарынан көҕүлүүллэр”. – диэтэ “ВОИН” киин хамандыыра, Арассыыйа Дьоруойа, “Время героев” бэрэсидьиэн бырагырааматын кыттыылааҕа Андраник Гаспарян.
“ВОИН” кииҥҥэ 400 инструктор настаабынньыктыыр. Кинилэртэн 313 – бойобуой дьайыылар бэтэрээннэрэ, ол иһигэр 187 – байыаннай дьайыы кыттыылааҕа.
Чуолаан, РФ Бырабыыталыстыбатын Бэрэссэдээтэлин солбуйааччы — РФ Бэрэсидьиэнин Уһук Илин федеральнай уокуругар боломуочуйлаах бэрэстэбиитэлэ Юрий Трутнев уонна Арассыыйа бойобуой снайпинын кыттыылааҕа Арассыыйа Дьоруойа Ярослав Якубов салалтатынан 2025 сылга “ВОИН” кииҥҥэ ыччаты снайпиҥҥа үөрэтии саҕаламмыта.
Тэрилтэ исписэлиистэрэ иккис сылын “Быть, а не казаться!” Бүтүн Арассыыйатааҕы настаабынньыктар куонкурустарын бэлэмнээн ыытыыга кытталлар. Быйыл Арассыыйа 12 эрэгийиэниттэн 96 исписэлиис кыттыбыта.
Маны сэргэ “ВОИН” биэс бэрэстэбиитэлэ куонкурус финалиһынан буолбута. Григорий Васильев (Чувашия Өрөспүүбүлүкэтэ, номинация “СВОй наставник”), иитэр үлэ отделын салайааччыта Владлена Данилова (Чувашия, номинация “Наставник лидер”), ыстаарсай инструктор Максим Кузуб (Камчатка, номинация “СВОй наставник”), иитэр үлэ отделын салайааччыта Артем Бобровскай (ДНӨ, номинация “Опытный наставник”), инструктор-методист көмөлөһөөччүтэ Дмитрий Ремизов (Ямало-Ненецкэй автономнай уокурук, номинация “Наставник-лидер”).
Былырыын “Будущй наставник” куонкуруска Роман Герасимов (Камчатка) кыайбыта.
Киин 19 филиалыттан 45 инструктор “Знание” уопсастыбаҕа лиэктэрдиир.
“ВОИН” киин РФ Бэрэсидьиэнин Владимир Путин сорудаҕынан 2022 сыл ахсынньы 1 күнүгэр тэриллибитэ. Киин анала – саҥа көлүөнэ патриоттары иитэн таһаарыы. Филиаллар Арассыыйа 21 эрэгийиэнигэр, ол иһигэр Саха сиригэр бааллар.
Сиһилии: https://www.sakha.gov.ru/news/15600
РФ Бэрэсидьиэнэ Владимир Путин көҕүлээбит “Көдьүүстээх тырааныспар ситимэ” нацбырайыак “Развитие опорной сети аэродромов” саҥа федеральнай…
Ыраастаныы киһи киртийдэҕинэ оҥоһуллар. Киһиэхэ кир тастан киирэр. Ким эрэ куһаҕаны эппитэ, күннээҕи олоххо туох…
Соторутааҕыта Куокуйга айар куттаах эстрада ырыаһыта, таптал ырыаларын ымыы гынан көтүппүт Анатолий Горохов саҥа сольнай…
Сэтинньи 9 күнүттэн 29 күнүгэр диэри Меркурий планета "төттөрү барыыта" бэлиэтэнэр. Бу планета хамсыырын LASCO…
Сэтинньи 19-20 күннэригэр Буинскай судаарыстыбаннай дыраама тыйаатырыгар улахан суолталаах гостуруоллар буолуохтара – Б.Ойуунускай аатынан Саха…
"Үп пирамидатын" оҥорон, 22 мөлүйүөн харчыны уорбут дьахталлар сууттаннылар. Бу туһунан Дьокуускай куорат борокуратууратын пресс-сулууспата…