«ВОИН» киин инструктордара байыаннай дьайыыга айаннаатылар

Байыаннай дьайыыга  барбыт инструктордар бөлөхтөрүгэр Саха сириттэн, Камчатка кыраайыттан, Волгоград, Мурманскай уонна Сахалин уобаластарыттан 25 баҕа өттүнэн барааччы киирдэ. Кинилэр байыаннай сулууспалаахтарга ытыы бэлэмин, тактическай бэлэми, тактическай мэдиссиинэуонна пилотa суох көппүт аппарааттары салайыыга дьарыктары ыытыахтара, диэн sakha.gov.ru cуруйар.

«ВОИН» киин бэрэсидьиэн сорудаҕынан тэриллибитэ. Владимир Путин ыччаты кытта үлэҕэ байыаннай дьайыы кыттыылаахтарын тардар наадалааҕар болҕомтотун уурбута. Судаарыстыба баһылыгын санаатынан, ыччаты патриотическай иитии – тутаах сорук, оттон саамай үчүгэй иитии байыаннай дьайыы кыттыылаахтара көрдөрөр тус холобурдарынан эрэ буолуон сөп. РФ Бырабыыталыстыбатын Бэрэссэдээтэлин солбуйааччы –РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, «ВОИН» киин Кэтээн көрөр Сэбиэтин бэрэссэдээтэлэ Юрий Трутнев тылларынан, «ВОИН» киин бары инструктордара байыаннай дьайыына ааһыахтара.

«Биһиги «ВОИН» киин инструктора – байыаннай үлэ уопуттаах эрэ буолбакка, ону мэлдьи сайыннарар киһинэн ааҕынабыт. Оборуона министиэристибэтин кытта урукку дуогабар быһыытынан, кинилэр инники кирбиигэ сылдьар болдьохторо – үс ый, тоҕо диэтэххэ, биһиги үөрэх бырасыаһын быһар кыахпыт суох. Онтон инструктордар эмиэ уларыйыахтара. Онон, «ВОИН» кииҥҥэ үлэлиэхтээх бары инструктордар байыаннай уопуту ылыахтара», – диэтэ Юрий Трутнев.

СӨ Ил Дархана Айсен Николаев бүгүҥҥү күҥҥэ «ВОИН» киинэ суох Арассыыйа уонна өрөспүүбүлүкэ байыаннай-спортивнай бэлэмин уонна патриотическай иитиитин систиэмэтин сатамматын бэлиэтээтэ. «Бу – майгы-сигили уонна санаа күүһүн дьиҥнээх оскуолата, манна оҕолор быһаарыныыны ылынарга, уустук быһыыга-майгыга үлэлииргэ уонна бэйэлэрин норуоттарын, дойдуларын иһин эппиэтинэһи сүгэргэ үөрэнэллэр. Биһиги өрөспүүбүлүкэбитигэр киин салаата 2024 сыл муус устар ыйыгар аһыллыбыта. Кылгас кэм иһигэр ыччаты иитиигэ күүстээх тирэх буолла», – диэн Айсен Николаев  эттэ. 2025 сылга уопсайа үс тэриллибит бөлөх састаабыгар байыаннай дьайыы зонатыгар «ВОИН» Киин 80 инструктора үлэлээбитэ. Кинилэр Бурятияттан, ДНӨ-тэн, Калмыкияттан, ЛНӨ-тэн, Татарстантан уонна Чувашияттан, Камчатка уонна Хабаровскай кыраайдартан, Волгоград, Кемерово, Псков, Сахалин, Свердловскай, Тюмень уобаластарыттан, Ямал-Ненецкэй автономнай уокуруктан сылдьаллар. Сиһилии: https://www.sakha.gov.ru/news/18889