«Воин» киин курсааннарын бастакы хамаандата Хабаровскай кыраайтан кэллэ

Бөлүүн түүн Хабаровскай кыраай хамаандата Саха сиригэр «ВОИН суола» байыаннай-тактическай күрэхтэһиилэригэр кытта көтөн кэллэ.
«Амур буойуннара» хамаанданы, сахалыы үгэһинэн алаадьылаах, кымыһынан көрүстүлэр.

«Биһиги икки сыл устата, «Воин» кииҥҥэ киириэхпититтэн бэлэмнэммиппит. Кэнники күннэргэ лазертакка уонна аптамаакка күүскэ эрчиллибиппит, хонуу усулуобуйатыгар техническэй элеменнэри оҥорбуппут. Мин курсаннарбар эрэллээхпин, кинилэр эмиэ миэхэ эрэллээхтэр. Биһиги кыайыыга эрэ дьулуһабыт. Оонньуу чиэһинэй буолуоҕар уонна үтүө өйдөбүлү эрэ хаалларыа диэн эрэнэбин», — диэн хамаанда хапытаана Алексей Устич санаатын үллэһиннэ.
Волгоград уонна Тюмень уобаластарыттан өссө икки хамаанда кэлиэҕэ.
Күрэхтэһиилэргэ ону таһынан Саха сирин хамаандата кыттыыны ылыаҕа.