«ВОИН» киин «Знание» уопсастыба «Знание.Бириэмийэ – 2025» норуот куоластааһыныгар аан бастаан кыттар. Кини «Үөрэтии уонна уһуйуу» хайысхаҕа сырдатыыга киллэрбит кылаатын иһин номинацияҕа киирсэр.
Саха сирин олохтоохторо «ВОИН» киин иһин Max мессенджергэ баар сигэнэн туһанан куоластыахтарын сөп. Куоластааһын тохсунньу 31 күнүгэр Москва бириэмэтинэн 23:59 чааска түмүктэниэҕэ.
«Знание» уопсастыба бэлиэтииринэн, үлэлиир кэмигэр «ВОИН» киин уһуйуу киэҥ далааһыннаах систиэмэтин тэрийбит, ол түмүгэр Арассыыйаҕа кэнчээри ыччаты патриотическайдык иитэр биир саамай көдьүүстээх платформанан буолбут.
«ВОИН» киин РФ Бэрэсидьиэнин Владимир Путин сорудаҕынан 2022 сыл ахсынньы 1 күнүгэр аһыллыбыта. Киин филиаллара Арассыыйа 21 эрэгийиэнигэр үлэлииллэр, ол иһигэр Саха сиригэр — 2024 сыл муус устар 15 күнүттэн. Дьокуускайдааҕы филиал инструктордарын састааба 19 киһилээх, өссө биэс киһи – инструктор көмөлөһөөччүлэрэ. Кинилэр үгүстэрэ байыаннай дьайыылар, ол иһигэр байыаннай дьайыы кыттыылаахтара буолаллар.
РФ Бырабыыталыстыбатын Бэрэссэдээтэлин солбуйааччытын – Уһук Илиҥҥи федеральнай уокурукка Бэрэсидьиэн боломуочуйалаах бэрэстэбиитэлин, «ВОИН» киин Кэтиир сэбиэтин бэрэссэдээтэлин Юрий Трутнев сорудаҕынан тэриллибит «Путь ВОИНа» Бүтүн Арассыыйатааҕы бастакы байыаннай-тактическай күрэхтэһиитигэр Саха сирин хамаандата кыайыылааҕынан тахсыбыта. Күрэхтэһии финала 2025 сыл балаҕан ыйын 15 күнүттэн 20 күнүгэр диэри Дьокуускайга ыытыллыбыта.
Тохсунньуга Саха сирин психологтара 960 биирдиилээн уонна бөлөҕүнэн консультацияны ыыттылар. Үлэни өрөспүүбүлүкэ иһигэр да, таһыгар…
Силиэстийэ сабаҕалыырынан, былырыын балаҕан ыйын 14 күнүгэр 1998 с.т. уонна 2001 с.т. икки эдэр киһи…
Тохсунньу 29 күнүгэр Өлүөхүмэ улууһугар 2 магнитудалаах сир хамсааһына бэлиэтэннэ. Бу туһунан РАН Биир кэлим…
Быйыл Олоҥхо үһүс уон сыла от ыйын 4-5 күннэригэр Кэбээйигэ ыытыллар ХIХ Олоҥхо ыһыаҕыттан саҕаланар.…
Саха сиринээҕи гидрометеосулууспа саайтын чахчыларынан, тохсунньу бүтэһик - олунньу бастакы күннэригэр, ол эбэтэр тохсунньу 31…
Красноярскайга икки төгүллээх олимпийскай чөмпүйүөн Иван Ярыгин кэриэһигэр тустууга норуоттар икки ардыларынааҕы турнир салҕанар. Хапсыһыылар…