«ВОИН» кииҥҥэ 108 тыһыынча курсаан үөрэҕи ааста

2022 сылтан «ВОИН» кииҥҥэ 108 тыһыынча курсаан, ол иһигэр 50 тыһ. тахса курсаан 2025 сылга үөрэҕи ааста.  449 инструктор уонна 8,6 тыһыынчаттан тахса оскуолаҕа «Основы безопасности и защиты Родины» уруок учуутала бэлэмнэннэ.

«ВОИН» киин үс сыллааҕыта, 2022 сыл ахсынньы 1 күнүгэр РФ Бэрэсидьиэнэ Владимир Путин сорудаҕынан, Ийэ дойдуларыгар бэриниилээх, көмүскүүргэ бэлэмнээх, саҥа көлүөнэ патриоттары бэлэмниир сыаллаах тэриллибитэ. «ВОИН» киин филиаллара дойду 21 эрэгийиэнигэр тэриллибитэ. Бэрэсидьиэн Владимир Путин 2025 сыл балаҕан ыйыгар Владивостокка курсааннары кытары көрсөрүгэр, маннык кииннэр 2030 сылга диэри дойду бары эрэгийиэннэригэр тэриллиэхтэрэ диэн бэлиэтээн эппитэ.

«ВОИН» киин 14-тэн 17 -тэ саастарыгар диэри уолаттары уонна кыргыттары бэлэмниир. 35 хайысханан үөрэтэр-бэлэмниир бырагыраама: бастакы көмө уонна тактическай мэдиссиинэ, тактическай, инженернэй бэлэмнэнии, пилота суох көтөр аппараты туһаныы, сибээһи олохтооһун, разведка, о.д.а. үлэлиир.

Үөрэх кэмигэр курсааннар Арассыыйа национальнай куттал суох буолуутун, история кырдьыгын харыстыырга, ыччат ортотугар терроризмы уонна экстремизмы утары идеология төрүттэрин билэргэ үөрэнэллэр

«ВОИН» кииҥҥэ үөрэнии 11 эрэгийиэҥҥэ баар 27 үрдүк үөрэх тэрилтэтигэр Биир кэлим эксээмэҥҥэ эбии (2-тэн 10-дҥа диэри) баллы биэрэр.

«Воин» киин Саха сиринээҕи филиалын курсааннара быйыл күһүн балаҕан ыйыгар Дьокуускайга ыытыллыбыт күрэххэ кыайыыны ситиспиттэрэ.

Күрэхтэһии СӨ Бырабыыталыстыбатын уонна Арассыыйа бойобуой снайпинын өйөбүллэринэн ыытыллыбыта.

Сиһилии: https://www.sakha.gov.ru/news/16407