Бүгүн Үөһээ Бүлүүгэ «Үс хоһуун» успуорт комплексыгар «СахаВА» волейбол түмсүүтүн көҕүлээһининэн «Бүлүү кубога» волейбол күрэҕэ ыытылынна.
«Бүлүү кубога» волейбол күрэҕэ Сунтаар, Ньурба, Үөһээ Бүлүү, Бүлүү оройуоннарын баһылыктарын сүбэлэһиилэринэн тэриллэр.
«Урукку өттүгэр Бүлүү улуустарыгар маннык элбэх киһи кыттыылаах волейболга сааһынан арахсан күрэхтэһии буола илигэ. Барыта сааһынан 6 бөлөххө арахсан 240-ча спортсмен кытта сылдьар. Халлаан тымныытын аахсыбакка, тэйиччи сытар улуустартан кэлэн кытта сылдьаллара биһигини үөрдэр», – диэн Үөһээ Бүлүү улууһун успуорка управлениетын начаалынньыга Егор Николаев санаатын үллэстэр.
Бу күрэхтэһиигэ оскуола оҕолоруттан саҕалаан 60-н ааспыт бэтэрээн спортсменнар саастарынан арахсан күрэхтэһэллэр. Күрэхтэһии түөрт сиринэн ыытыллар: Хоро нэһилиэгэр уонна Үөһээ Бүлүү сэлиэнньэтин үс саалатыгар. Тэрийээччилэр этэллэринэн, Бүлүү бөлөх улуустарыгар успуорт волейбол курдук көрүҥэ ситэ сайда илик буолан, ону тарҕатар уонна ыччаты угуйар сыалтан тэрилиннэ.
«Бүлүү кубога» волейбол күрэҕэ аан бастакытын ыытыллар, салгыы улуустарынан көһө сылдьан тэриллэрэ былааннанар.
Валентина Догоюсова хаартыскалара
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…
Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…
Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…