Волейбол күрэхтэһиитигэр Дьокуускай хамаандата хаардыы хаамта

Share

“Спортивные якутяне” үөрэнээччилэр өрөспүүбүлүкэтээҕи спартакиадаларын волейбол көрүҥэр күрэхтэһии бүгүҥҥүнэн бүттэ. Кыргыттарга Дьокуускай хамаандата бастаата, Чурапчы – иккис, Нам – үһүс. Уолаттарга эмиэ Дьокуускай куорат хамаандата маҥнайгы миэстэлэннэ, чурапчылар иккис, аммалар үһүс буоллулар.

“Туймаада” стадиоҥҥа бүгүн түмүктэммит волейболга, чэпчэки атлетика кылгас дистанцияларыгар кыайыылаахтары наҕараадалыыр үөрүүлээх түгэн буолан ааста.

Спартакиада кылаабынай судьуйата Юрий Балаганскай: “Түмүктүүр түһүмэх успуорт биэс көрүҥэр ыытыллар. Иллэрээ күнтэн волейбол, бокса саҕаламмыт эбит буоллаҕына, бүгүн хаалбыт үс көрүҥ саҕаланнылар – мас тардыһыыта, көҥүл тустуу, чэпчэки атлетика.

Былырыын түмүктүүр түһүмэххэ тоҕус көрүҥҥэ күрэхтэспиттэрэ, быйыл улуус бэрэстэбиитэллэрэ туруорсууларынан саамай көстүүлээх, дьон-сэргэ ордук сэҥээрэр биэс көрүҥэр ыытыллар. Иллэрээ сыл букатын 11 көрүҥҥэ буолбута. Билигин биэс көрүҥҥэ толору хамаанданан 60-70 кыттааччы кэлэр.

Волейболга уолаттарга, кыргыттарга иккиэннэригэр дьокуускайдар бастаатылар.

Чэпчэки атлетикаҕа барыта сүүрбэччэ дистанция баар, бүгүн итинтэн түөрт эрэ дистанция бүттэ. Онон билиҥҥитэ хайа хамаанда ордук күүстээҕин этэр эрдэ.

Мас тардыһыытын старшай судьуйата иһитиннэрбитинэн, бүгүҥҥү туругунан, Чурапчы, Уус Алдан, Дьокуускай уонна Мэҥэ Хаҥалас үчүгэйдик баран иһэллэр. Уопсай түмүк син биир сарсын биллэр.

Көҥүл тустууга эмиэ финал аҥарынааҕы эрэ киирсиилэр буоллулар. Сарсын барыллаан уонна финал буолуоҕа” – диэн кылгастык көрүҥнэринэн билиһиннэрдэ.

Бүгүҥҥү наҕараадалааһыҥҥа пьедесталга тахсыбыттар үөрүүлэрэ-көтүүлэрэ улахан. Наҕараадалааһын кэнниттэн 1500 миэтэрэҕэ бастакы миэстэни ылбыт Чурапчытааҕы интэринээт-оскуола 9-с кылааһын үөрэнээччитэ Эрчимэн Драгуновы кытта кэпсэттим:

— Чурапчы хамаандатыгар барыта 50-тан тахса буолан кэллибит.

Мин чэпчэки атлетиканан дьарыктаммытым алта сыл буолла. Билигин Гаврил Федорович Нохтунскай салайыытынан эрчиллэбин. Ол иннинэ ийэм Екатерина Константиновна Драгунова дьарыктаабыта. Чэпчэки атлетика көрүҥэр миигин ийэм сирдээн аҕалбыта.

“Спортивные якутяне” спартакиадаҕа быйыл үһүс сылбын кытынным, аан бастакытын бастаатым. Онон үөрүүм улахан” – диэн санаатын үллэстэр.

Хаартыска: Людмила Попова.
Хаартыска: Людмила Попова.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

5 часов ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

5 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

6 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

6 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

7 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

7 часов ago