Хаартыска: Улуустааҕы волейбол федерацията
Сунтаар улууhун волейболга федерациятын бэрэссэдээтэлэ Н.Е.Егоров, Күндэйэ нэhилиэгин спортинструктора О.В. Иванов кɵҕүлээhиннэринэн, олунньу 18 күнүгэр «Алмаз» стадиоҥҥа волейболга улуустааҕы аhаҕас турнир буолла. Сүрүн сыала — усунуос быhыытынан киирбит үбү байыаннай дьайыыга ийэ дойдуларын кɵмүскүү сылдьар саллааттарыгар көмө диэн улуустааҕы федерация иһитиннэрдэ.
Эр дьоҥҥо 4, дьахталларга 8 хамаанда кɵрүстүлэр. Хас биирдии киhи 300 солк. усунуос тɵлɵɵн оонньоотулар. Сытыы киирсиилэр түмүктэринэн эр дьоҥҥо 1 миэстэ — «Урааҥхай» хамаанда, 2 миэстэ — «Хотой», 3 миэстэ — «Дохсун» буоллулар.
Дьахталларга 1 миэстэ — Түбэй Дьаархан, 2 миэстэ – «Сунтаар 1», 3 миэстэ – «Абаҕа».
«Кэлэн иhэр Аҕа дойдуну кɵмүскээччи күнүнэн дьахталлар туруорбут бириистэринэн, эр дьоҥҥо анал аат иҥэрилиннэ. Ол курдук, Федоров Афанасий «Бастыҥ охсооччу», Иванов Прокопий «Бастыҥ туруорааччы», Николаев Андриан «Бастыҥ оонньооччу» буоллулар. Уопсайа 26 800 солкуобай байыаннай дьайыы кыттыылааҕа, уоппускаҕа кэлэ сылдьар Егоров Арнольд Спартаковичка кɵмɵ быhыытынан ананна», — диэн волейбол федерациятын бэрэстэбиитэллэрэ иһитиннэрдилэр.
Лоп курдук 60 сыл анараа өттүгэр, 1966 сыл үүнээри турдаҕына, олохпут хайдах этэй? Бу суругу…
"Дойду бэрэсидьиэнэ Владимир Путин пресс-кэмпириэнсийэтин сүрүн түгэннэриттэн биир дьоһуннаахтарынан, мин санаабар, доруобуйа харыстабылын салаатын каадырдарынан…
Ил Дархан Айсен Николаев быйылгы сыллааҕы түмүктэри таһаарар пресс-кэмпириэнсийэтэ бүгүн, ахсынньы 22 күнүгэр, саҥа үлэҕэ…
Бүгүн, ахсынньы 22 күнүгэр, 05:38 чааска Биир кэлим дьуһуурунай-диспетчер ситимигэр эрийэн, Булуҥ улууһун Быковскай бөһүөлэгэр …
Дойду Бэрэсидьиэнэ Владимир Путин сылы түмүктүүр быһа эпиирэ буолан ааста, олох бары салаата хабылынна. Бүтүн…
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…