Хаартыска: Кубок угуйугун видеотыттан скриншот
Бу субуотаҕа, тохсунньу 18 күнүгэр, киэһэ 19 чаастан “Саха” НКИХ Кубогар волейболга күрэхтэһии саҕаланар.
Сылы саҕалыыр успуорт суолталаах тэрээһинин туһунан бу бырайыак продюсера Максим Березин маннык билиһиннэрдэ:
— Волейбол күрэхтэһиитигэр өрөспүүбүлүкэ саамай күүстээх, ааттаах-суоллаах 60 спортсмена кыттыыны ылыаҕа. Тэрээһин “Пиэрибэй ханаал Кубога” диэн биэрии курдук хайысхалаах буолуоҕа. Күрэхтэһии олимпийскай тиһигинэн ыытыллар. Дьахталларга уонна эр дьоҥҥо үс тириэньэр үстүү хамаандалаах. Оонньооччуларын тириэньэрдэр бэйэлэрэ жеребьевкалаан талаллар. Ол барыта көстүөҕэ. Күрэхтэһии субуота аайы 19 чааска көстүөҕэ.
“Медиаперсона” оонньооччуларга саамай күүстээхтэр талыллан киирбит «Боотур» хамаандатыгар «Дыгын оонньууларын» кыайыылааҕа Леонид Филиппов оонньоһуоҕа.
Онтон «Мохсоҕол» хамаандатыгар сахалыы ыстаныыга атах оонньуутугар успуорт маастара Кай Адамов күүс-көмө буолар.
Бу субуотаҕа “Боотурдарга” тириэньэр Айсен Жерготов уонна “Мохсоҕолго” тириэньэр Петр Пестряков хамаандалара оонньуохтара. Дьахталларга «Мисс Якутия-2011» кыайыылааҕа Олеся Кондакова-Захарова, «1-я Вице-Мисс Якутия-2017» куонкурус кыайыылааҕа Айыына Пудова кыттыахтара.
Дьахталлар уонна эр дьон хамаандаларыгар сүрүн бириис — 50000 солкуобай. Аан бастакытын ыытыллар күрэхтэһиини көтүтүмэҥ!
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…