Хаартыска: Sportyakutia.ru саайтан.
Волейболга дьахталларга Саха сирин сүүмэрдэммит хамаандата Хабаровскай куоракка ыытыллыбыт Губернатор Кубогар иккис миэстэни ылары ситистэ.
Кулун тутар 7-9 күннэригэр Хабаровскай кыраай Губернаторын кубогар волейбол бэстибээлэ буолан ааста, диэн иһитиннэрэр Sportyakutia.ru саайт. Кыайыы иһин тыҥааһыннаах күөн көрсүүгэ аҕыс күүстээх хамаанда көрсүбүттэрэ: ТОГУ, БРИДЕР, СБЕР, ЯКУТИЯ, ДВГУПС, ДВГАФК, ИЗУМРУД, FIREFOX.
Күүстээх утарсааччылар да буоллаллар, Саха сирин хамаандата уһулуччулаах оонньууну көрдөрөн, эрэллээхтик бөлөҕүнэн түһүмэххэ киирбитэ. Полуфиналга ТОГУ хамаандатын кыайан, финалга киирбиттэрэ. Онно СБЕР хамаандатын кытта киирсибиттэрэ. Түмүктүүр күрэхтэһии олус тыҥааһыннаахтык уонна долгутуулаахтык барбыта, ол гынан баран, хомойуох иһин, биһиги волейболистарбыт 1:3 ахсаанынан хотторбуттара, бочуоттаах иккис миэстэни ылбыттара.
Бэлиэтээн эттэххэ, сүүмэрдэммит хамаанда араас улуустар оонньооччуларыттан хомуллубута. Хабаровскайга барыахтарын иннинэ спортсменнар эрчиллэр хомуурдарга сылдьыбыттара, ити биир сомоҕо хамаанда буолалларыгар улаханнык көмөлөспүтэ. Хамаанда хапытаана — Ольга Макарова (ВК “Темп”).
Сүрүн тириэньэр, СӨ үтүөлээх тириэньэрэ Мария Руслановна Глухарева салалтатынан хамаанда үрдүк идэтийбит оонньууну эрэ буолбакка, сөҕүмэр сомоҕолоһууну, бииргэ оонньуур үөрүйэҕи, бойобуой санааны көрдөрдө.
Сүүмэрдэммит хамаанданы бэртээхэй түмүгү ситиспиттэринэн эҕэрдэлиибит! Волейболга өссө да саҥа кыайыылары, чаҕылхай ситиһиилэри баҕарабыт!
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…