Хаартыска: аха сиринээҕи ЫБММ пресс-сулууспата
Икки саха баһаарынайдара волейболга Арассыыйа чөмпүйүөннэрэ буоллулар.
Иркутскайга ыытыллыбыт Арассыыйатааҕы ЫБММ сүрүн управлениеларын IV спартакиадатыгар Уһук Илин уокурук хамаандата кыайыыны ситистэ. Күрэхтэһии от ыйын 22-25 күннэригэр ыытылынна. Быйыл күрэхтэһиигэ дойду аҕыс уокуругун хамаандата күөн көрүстэ. Дьокуускай куорат 4 №- дээх баһаарынай чааһын начаалынньыга, Саха сиринээҕи ЫБММ управлениетын тириэньэрэ Петр Пестряков этэринэн, Уһук Илин хамаандатыгар Забайкалье хамаандатыттан биэс волейболист, Бурятияттан икки уонна Саха сириттэн икки спортсмен киирбиттэр.
Саха сириттэн 3-с баһаарынай-быыһыыр чааһыттан ис сулууспа сержана Василий Тум-Фа-Ли, ону тэҥэ 4-с баһаарынай-быыһыыр чааһыттан младшай сержант Радислав-Кудай Захаров кытыннылар. Кинилэр ыам ыйыгар Чита куоракка сүүмэрдиир түһүмэҕи ааспыттара уонна оччолорго үһүс миэстэҕэ тиксибиттэрэ.
«Күрэхтэһиилэр Байкальскайдааҕы көрдүүр-быыһыыр этэрээт баазатыгар ыытылынна. Финалга Приволжскай уокурук икки төгүллээх чөмпүйүөнүн кыайдыбыт. Манна даҕатан эттэххэ, спартакиада төрдүс төгүлүн ыытыллар. Бу иннинэ икки төгүл спартакиада кыайыылааҕынан Ураллааҕы федеральнай уокурук хамаандата буолбута. Билигин биһиги кинилэри бэйэбит бөлөхпүтүгэр кыайдыбыт. Маннык күрэхтэһиилэр кыайыылаахтарыгар Арассыыйа чөмпүйүөнэ ыстаатыһын биэрэр. Оттон спартакиада Куубагын Забайкальскай кыраай хамаандата ылла», — диэн Петр Пестряков кэпсиир. Бу туһунан Саха сиринээҕи ЫБММ пресс-сулууспата иһитиннэрэр.
Бу күннэргэ социальнай ситимҥэ Дьокуускай куоракка Можайскай уулуссаҕа биир эр киһи массыыналаах киһини охсуталыыр видеота…
Ис дьыала министиэристибэтин Чурапчытааҕы дьуһуурунай чааһыгар маҕаһыын хаһаайыныттан сайабылыанньа киирбит. Ол курдук маҕаһыыныттан 77 000 …
Дьону таһар тырааныспар хойутаан кэллэҕинэ, таһааччылары ыстарааптыыр туһунан сокуон барылын ЛДПР дьокутааттара Госдуумаҕа киллэрдилэр. …
Саха сиригэр икки улахан далааһыннаах тэрээһин буолаары турар: Олоҥхо ыһыаҕа уонна Манчаары оонньуулара. СӨ Бырабыыталыстыбатын…
Бу күннэргэ Үөһээ Бүлүү улууһун Мэйик нэһилиэгэр Арассыыйаҕа Аҕа дойдуну көмүскээччилэрин, Саха сиригэр Ийэ дойдуну…
Быһылаан өссө тахсыбатын туһугар ГИМС иниспиэктэрдэрэ сэрэтэр эриэйдэлэри ыыталлар Кылгас сайыннаах буоламмыт, күн итийдэ да…