Волонтердар тэрилтэлэрэ байыаннай дьайыы кыттыылаахтарын өйүүр үлэлэрин билиһиннэрдилэр

Share

Арассыыйатааҕы баҕа өттүнэн кыттааччылар күннэригэр өрөспүүбүлүкэ волонтердара дьоро киэһэҕэ бэйэлэрин үлэлэрин билиһиннэрдилэр.

Тэрээһин байыаннай дьайыы кыттыылаахтарын бары өттүнэн өйүүр өрөспүүбүлүкэ 13 уопсастыбаннай тэрилтэтин түмтэ. Бу — «Боевые шелкопряды Якутии», «Илии сылааhа», «ДоброVольцы», «Якутия с тобой», «Вместе мы сила», «Внуки победителей», «Волонтёры-целители», «Молоды душой», «ШТОРМ», «Патриот 14», «Холбоhук күүс», «Отдых на реке Лена» уонна «Туллук – символ мира и добра».

“Якутия с тобой” уопсастыбаннай тэрилтэ байыастарга – байыаннай дьайыы кыттыылаахтарыгар гуманитарнай көмөнү хомуйууну, тириэрдиини тэрийэр. Кинилэр күүстэринэн, 2022 сылтан байыаннай дьайыы ыытыллар сиригэр 123 туоннаттан тахса таһаҕас, 3 200-тэн тахса аадырыстаах баһыылка тириэрдиллибит, 883 байыаннай сулууспалаах дьиэ кэргэнин кытта үлэлэспиттэр (шефство).

Өрөспүүбүлүкэтээҕи волонтердар дьоро тэрээһиннэригэр “Биир ньыгыл Арассыыйа” баартыйа эрэгийиэннээҕи салаатын сэкирэтээрэ, Ил Дархан Айсен Николаев аатыттан “Биир ньыгыл Арассыыйа” баартыйа эрэгийиэннээҕи толорор кэмитиэтин салайааччыта Надежда Селютина эҕэрдэлээтэ. Эрэгийиэннээҕи баҕа өттүнэн кыттааччыларга баартыйаттан Махтал суруктары туттарда. Саха сирин волонтердарын Арассыыйа Дьоруойа Родомир Максимов, Ил Түмэн дьокутаата,  “Биир ньыгыл Арассыыйа” баартыйа Саха сиринээҕи салаатын сэбиэтин эрэгийиэннээҕи президиумун чилиэнэ Иван Луцкан, Дьокуускай куорат баһылыгын солбуйааччы  Владимир Аржаков, СӨ аҕа дойдуну көмүскээччилэрин дьиэ кэргэттэрин кэмитиэтин чилиэннэрэ Саргылана Неустроева, Владимир Носик эҕэрдэлээтилэр.

“Байыаннай дьайыы кыттыылаахтарыгар көмөтүн иһин” мэтээли Арассыыйа Дьоруойа Радомир Максимов ийэтигэр – Варвара Николаевнаҕа туттардылар.

Ийэ дойду иннигэр ураты үтүөтүн уонна хорсун быһыытын иһин “Гражданскай килбиэн” бэлиэнэн анал байыаннай дьайыы кыттыылааҕа Николай Константинов наҕараадаланна.

Ити туһунан Ил Дархан уонна Бырабыыталыстыба пресс-сулууспата суруйар. Салгыы манна ааҕыҥ.

Recent Posts

  • Култуура
  • Сонуннар
  • Уопсастыба

«Дэгэт Аартыга» ураты бырайыагы оҥордулар

“Төрөөбүт сирим улахан быһаарыылара” муниципальнай быраактыка пуорумун иитинэн Бүтүн Арассыыйатааҕы “Бастыҥ муниципальнай быраактыка” күөн күрэс…

20 минут ago
  • Интэриэһинэй
  • Сонуннар

КЭПСЭЭННЭ ИСТИЭҔИҤ: «Ол дьиэ олохтоохторо»

sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа   Антонина Эверстова   "Ол дьиэ олохтоохторо" кэпсээнин…

1 час ago
  • Уопсастыба
  • Үөрэх

Үөрэх үөрүүлээх сонуннара

Бу күннэргэ үөрэх эйгэтигэр үөрүүлээх сонуннар үгүстэр: Бүтүн Арассыыйатааҕы күөн күрэскэ кыайыы, 9-с кылааһы бүтэрээччилэргэ…

2 часа ago
  • Сонуннар
  • Уопсастыба
  • Үөрэх

Оҕолоргут сыаналарын ханнык сыһыарыынан көрөҕүт?

Эрэгийиэннээҕи электроннай күннүктэргэ киирэргэ төлөбүрдээх сурутууну көрдүүр диэн төрөппүттэр элбэх үҥсэргээһини ыытыыларынан сибээстээн, РФ Үөрэҕиритиин…

3 часа ago
  • Интэриэһинэй

Ахсынньы – Билгэ Хаан Айыы ыйа

Ахсынньыга Үрдүк Айыылартан биирдэстэрэ Билгэ Хаан чугаһыыр. Кини кэлбит бэлиэтинэн чаҕаан диэн кыл тэрил тыаһа…

3 часа ago
  • Быһылаан
  • Сонуннар

Полиция түүлээх фабрикатын урукку генеральнай дириэктэрэ 13 мөл. солк. иҥэриммит диэн этэр

СӨ ИДьМ силиэстийэлиир управлениетын тэрээһиннээх буруйу оҥорууну силиэстийэлиир чааһын силиэдэбэтэлэ, түүлээх фабрикатын 48 саастаах урукку…

4 часа ago