Волонтердар байыастарга көмөлөрө салҕанар

Саха сирин волонтердара байыастарга уопсайа 107 тонна гуманитарнай көмөнү ыыппыттар.

#МЫВМЕСТЕ Бүтүн Арассыыйатааҕы аахсыйа эрэгийиэннээҕи ыстаабын салайар Айыллаан Винокуров бу туһунан кэпсиир.

—«Саха сирэ эйигин кытта!» хамсааһын кыттааччыларын күүстэринэн байыастарга 400- тэн тахса киилэ ыйааһыннаах таһаҕас ыытылынна. Ыстаапка күн аайы 10-тан тахсалыы волонтер үлэлиир. Малы-салы туталлар, таҥас тигэллэр, хаххалыыр ситимнэри, харысхаллары оҥороллор, – диэн кэпсиир кини.

Волонтердарга уопсастыбаннай түмсүүлэр, тэрилтэлэр уонна дьон-сэргэ көмөлөһөрүн бэлиэтиир. Маны сэргэ, улуустарга байыастар дьиэ кэргэттэригэр көмөнү оҥоруулара салҕанар.

Байыастарга гуманитарнай көмөнү оҥорор пуун аадырыһа:  Дьокуускай, Бестужев-Марлинскай уул., 5 (ДОСААФ дьиэтэ). Пуун 10-18 ч. үлэлиир.

СӨ Ил Дарханын уонна Бырабыыталыстыбатын пресс-сулууспата