Волонтер-оҕолор биир күннээх түбүктэрэ

Кэбээйи нэһилиэгин «Мичээр» оҕону сайыннарар киинин иитээччилэрэ Татьяна Максимова уонна Ирина Терехова «Волонтер-оҕолор» бырайыагынан үлэлээбиттэрэ иккис сыллара.

Волонтер күнүгэр волонтер оҕолор байыаннай дьайыыга сылдьар байыастарга анаан «Үтүө түгэн» түмсүү волонтердарын кытта армейскай сухой душ оҥордулар.

Бу үлэлэрин кырачаан волонтердар улууска үөрэхтээһин тэриллибитэ 100 сыллаах үбүлүөйдээх бэлиэ сылыгар туһаайан 100 устууканы оҥордулар.

Оҕолор тутан-хабан оҥорбут туһалаах үлэлэрин дойдуларын көмүскүү сылдьар байыастарга хайаатар да тиийиэ, кыра да буоллар болҕомтону хатыа, туһаны аҕалыа диэн саныыллар.

Татьяна Максимова-Лазарева