Волонтер Прасковья Бороненко байыас көрдөһүүтүнэн «уостаах үтүлүк» тигэн биэрдэ

«Саха волонтердара» хамсааһын кэҥээн, билигин дойду үгүс киин куораттарыгар волонтердар байыаннай госпиталларга сытар уолаттарбытыгар көмөлөһөллөр.

Симферепольга Прасковья Алексеевна уонна Владимир Викторович Бороненколары билбэт киһи суоҕа буолуо. Бу күннэргэ кинилэр дьиэлэригэр «норуодунай тирэх пууннарыгар»  тигэр сыах үлэлээтэ диэн «Саха волонтердара» хамcааһын иһитиннэрэр.

Волонтер Прасковья Алексеевна Сергей диэн байыас көрдөһүүтүнэн бэгэччэгэр диэри уһун, ураты тигиилээх, сүтэн хаалбатын диэн «уостаах үтүлүгү» тигэн биэрдэ.

«Биһиги биир дойдулаахпыт үтүлүгүн тутан баран үөрэн дьолломмут сирэйин көрдөрөр кыахпыт суоҕа хомолтолоох,  итинник махталлаах мичээртэн волонтердар хайаны да хамсатыахтарын сөп», — диэн волонтердар кэпсииллэр.