Бүгүн Уопсастыбаннай палаатаҕа Доннааҕы Ростовка Саха сирин Биир кэлим сүрүннүүр киинин салайааччыта, волонтер Вера Душкевиһы кытта көрсүһүү буолла.
Көрсүһүүнү “Защитники Отечества” судаарыстыбаннай пуонда Саха сиринээҕи салаатын салайааччыта Алексей Александров ыытта. Кини байыаннай дьайыыга сыһыаннаах боппуруостарга бары биир сүбэнэн үлэлиир көдьүүстээҕин бэлиэтээтэ.
Биллэрин курдук, Саха сирэ өрөспүүбүлүкэ Ил Дархана Айсен Николаев көҕүлээһининэн Биир кэлим сүрүннүүр киини биир бастакынан тэрийбит эрэгийиэнинэн буолар.
Уоппускатыгар балаҕан ыйын 28 күнүгэр диэри кэлбит Вера Петровна билиһиннэрбитинэн, байыаннай дьайыы саҕаламмытын кэннэ Биир кэлим сүрүннүүр киин тэриллиэҕиттэн, кинини бааһырбыт байыастары кытта үлэлэһиигэ ыҥырбыттара. Онуоха, биллэн турар, социальнай хайысхалаах үлэҕэ үлэлээбитэ олук буолбут. Бастаан Москваҕа тиийэн баран, Доннааҕы Ростовынан байыастар кэлэллэрин быһыытынан ону көрө-истэ тиийбит. Манна кинилэр госпитальга үлэлээбиттэр. Госпиталь приемнай отделениетыгар байыаннай дьайыы кэмигэр эмсэҕэлээбит уолаттары булаллар эбит.
— Бастаан госпитальга тиийэн баран, куруук биир сирэйдэри көрөрбүттэн олус соһуйбутум. Тоҕо диэтэххэ, ити кэмҥэ персонал туох баар хара күүһүнэн биирдэ да сынньаммакка үлэлиирэ. Хирурдар утуйан ылар кыаҕа да суох буолааччылар, — диэн онно тугу көрбүтүн туһунан Уопсастыбаннай палаата чилиэннэригэр кэпсээтэ.
Салгыы кини госпитальга эмтэнэр байыастары кытта хайаан да уһуннук ирэ-хоро кэпсэтиэххин наадатын этэр. Ол курдук, Вера Петровна биирдии саллааты кытта 1,5-2 чаас кэпсэттэҕинэ эрэ табылларын этэр. Кини итиннэ үрдүттэн үлэлии сылдьар буолан, туох-баар төлөбүр эҥин боппуруостарыгар сыһыаннаах кыһалҕалары быһаарыы үүтүн-хайаҕаһын тобулууга үлэлэһии хайдаҕын билэр. Оборуона министиэристибэтэ 2023 с. от ыйыттан электроннай базаламмыта бу хайысхаҕа үлэни арыычча чэпчэппитин этэр. Байыастары долгутар боппуруоһунан уоппускаҕа барыы боппуруоһун тула эмиэ санаатын атастаста. Үгүс ыйытыыларга санааларын атастастылар. Ол курдук, байыас дастабырыанньатын чөлүгэр түһэрииттэн саҕалаан төлөбүрдэргэ, чөлүгэр түһэрии уо.д.а. туһунан.
Хаартыска: ааптар
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…